Ekintza Katoliko Orokorretik azaldu dabenez, egoera honetan senidetasunean sakontzeko eta Eleiza guztientzako etxe abegitsu egiteko aukera ikusi dabe. Horrexegaitik sortu dabe “Hemen jarraitzen dot” egitasmoa, Estatuko parrokiak DANAk kaltetutako Valentziako parrokiakaz lotzeko asmoagaz. “Hasierako larrialditik harago, laguntasun eta alkartasun lokarriak sortzeko prest gagoz. Ekintza Katoliko Orokorrak dei egiten deusku laiko guztioi parrokien arteko lotura hau bultzatu daigun, alkartasuna, adiskidetasuna eta baterako eginkizuna sendotuz”.
Valentziako Ekintza Katoliko Orokorrak egingo ditu kaltetutako parrokiakazko bitarteko-lanak. Horretarako, hartu-emonetarako lagun bat izendatuko dau, Valentziako parrokien eta egitasmoagaz bat egin gura daben parrokien arteko harremana ahalbidetzeko. “Hemen jarraitzen dot” egitasmoa indarrean izango da azarotik 2025eko Pazkora arte, maiatzean egoera aztertu eta jarraipena emon ala ez pentsatuko dalarik.
Zure parrokiak jakin-mina badau, idatzi helbide honetara: adultosacgvalencia@gmail.com. Parte hartu!
#ConectandoParroquias
#SigoAqui
