2026tik aurrera, Bilboko eleizbarrutiak irudi korporatibo barria izango dau. Diseinu barria, apurka-apurka sartuko da argitalpen guztietan. Gaurtik aurrera agertuko da web orrialdearen zein gizarte sareen goiburuan.
Bizkaiko mapa
Osagai nagusia, Bizkaiko lurraldearen mapa da, kolore eta tamaina askotako forma geometrikoez osotutakoa. Eta aukeraketa honek badau bere arrazoia: aniztasunetik eraikitzen dan batasuna sinbolizatzen dau. Pieza bakotxak, bere kolore eta formagaz, bat eginda eleizbarrutiari bizia emoten deutsen askotariko errealitate, parrokia, mobimentu eta pertsonak irudikatzen ditu.
Mosaiko honetan, forma geometriko morea nabarmentzen da Enkarterrialdean. Emakumezkoari lotutako kolore horren bidez emakumearen funtsezko egitekoa agertu eta autortu gura da, emakumeek eusten deutse-eta Eleizaren bizitzari eta ekintza askori.
Kurutzea, itxaropena eta batasuna
Kuruzte zuriak zeharkatzen dau mapa eta berau da ardatza. Ez da ikur hutsa, itxaropenaren argi eta topagunea baino. Kurutzatu egiten diran erreka bi irudikatzen ditu, lurraldearen aniztasuna agertuz eta pertsonak fede eta senidetasunezko sarean batzen dituan lotura sortuz.
“Begonia”, berariazko nortasuna dauan tipografia
Beren-beregi 75. urteurrenerako sortutako “Begonia” tipografiak nortasuna emoten deutso irudi barriari.
“Bilboko Elizbarrutia” eta “Diócesis de Bilbao” sigletan agertzen da. Begi-kolpe baten, indarra emoten dau, esanguratsua da eta esklusiboa.
Etorkizunerako irudia
Eleizbarrutiak parrokia, alkarte, mobimentu eta erakunde guztien esku jarri dau logotipo barria kalitate handian, argitalpen eta mezuetan erabiltzeko. Deskargatzeko: hemen.
Logotipo barri hau ez da azkena, abiapntua baino, laster estilo-eskuliburuan be prest izango da-eta erabili ahal izateko.
