‘Barakaldo solidarioa’ saria
Sor Maria Jesus Lorenzo Rodriguez Paduleko San Bizenteren Karidadearen Alabak Konpainiako monjak jaso dau ‘Barakaldo solidarioa’ sarien XVII. ekitaldiko autoemena. Barakaldoko Miranda Fundazinoak emoten dau sari hau, euren eskuzabaltasunagaitik eta besteen aldeko eskaintzagaitik nabarmentzen diran erakunde eta alkarteei autorpena egiteko.
Epaimahaiak sor Maria Jesusen lanaren garrantzia azpimarratu gura izan dau, “eta ahulenen aldeko, batez be makina bat zaintza, maitasun, eta laguntza espiritual eskaini izan deutsen nagusien aldeko, erabateko konpromisoak markatutako bizitza nabarmendu”.
Galardonados en ediciones anteriores: 2023: Alberto Echevarría Santamaría (hil osteko saria). 2022: Javier Echevarría Santamaría. 2021: Lo Que De Verdad Importa Fundazinoa. 2020: Ireki Añlartea. 2019: Nervión Ibaizabal Parkinson Alkartea – ACAPK. 2018: Ahizta Hirukoiztar Kaputxinoen Ubunto egitasmoa. 2017: Ekintza Aluviz. 2016: Gorabide. 2015: Jesús Castanedo Torre. 2014: Argia Fundazinoa. 2013: Sahara Salam Alkartea. 2012: Maite Martín Muñoz. 2011: Isidro Pérez Ortiz. 2010: Juan Gutierrez Zorrozua (hil osteko saria). 2009: María Jesus Lanza Llanderal. 2008: Jose Ramon Gurruchaga Ezama.
75. urteurreneko panelen erakusketa Begoñako basilikan
“Abenduko izarrak”, Gernikako San Bartolomé-Mertzede parrokian
Abendualdiko bigarren domekan be “Abenduko izarrak” banatu ebezan, hain zuzen be, urdinak: “Mariak lez BIzia ospatu” agertzen dabenak. Taldeen kategorian, Gernikaldeko ospatzaileei emon eutsen eta banan-banan, Yolandari (organista), Conchi eta Rosiri (jaunartzea emon, saskia pasatu…) eta Josebari (irakurlea). Murueta, Forua eta Albizeko argazkiak.
Kandelen eguna, Sortze Garbiaren omenez
Sortze Garbiaren Egunaren bezperan, barikuz, Hego Amerikako alkartea Miribillako Santa Maria Josefa eleizan batu zan “otoitz, argiz eta pozez betetako arratsaldea bizitzeko”. Kolonbian ospatzen daben kandelen egunaren testuinguruan batu ziran.
Sortze Garbiaren Eguneko ospakizuna nikaraguar alkartearen ‘Gritería’ dalakoagaz
Atzo arratsaldez, otoitz egin eben herrialdearen egoeragaitik Miribillako Santa Maria Josefa eleizan.
