Bart heldu zan Erromara eleizbarrutian antolatu dan erromesalian parte hartzen dauan taldea. On Joseba Segura buru dala eta Patxi Malo erromesaldietarako eleizbarrutiko saileko arduraduna eta Alex Alonso IV. bikaritzako lurralde bikarioa taldean dirala, Frantzisko aita santuak "Spes non confundit” buldaren bidez deitutako Ohiko Jubileua dala-eta joan dira erromes eta Erroman hainbat ekitalditan parte hartu eta hainbat leku bisitatuko dabe barikura arte.
Lehenengo egunari hasiera emoteko, San Calixto katakonbak bisitatu dabez, eta bertan Eukaristia ospatu da. Ondoren, Erromako lau Basilika Nagusietako hiru bisitatuko dira: Andra Maria Nagusia, Laterango San Joan eta Harresiz Kanpoko San Paulo.
Hasiera baten eguaztenez Aita Santuaren audientzia egoan programatuta Vatikanoko San Pedron, baina Frantzisko Aita Santuak ospitalean jarraitzen dauanez, oraindik ez dago zehaztuta horren ordez zer egingo dan.
Hemen argitaratuta: 75. urteurrena, Gotzaina, Lehenengo Orrialdea, Pastoral ekintza
Honan etiketatuta: Erromesaldia
