Jose Luis (Pepelu) Iglesias San Agustin eta San Lorenzo parrokietako moderatzailearen esanetan, “entzuteko jarrera hartu gura izan dogu. Zer esan gura deuskuzue bizi dozuen migrazino-prozesuan? Eta, zer eskatzen deuskuzu fededun eta Eleiza lez?”.
Pepeluk azaldu dauanez, saioetan entzutea landu genduan: “gogorra, batera jarritako bizitza eta sentimentuagaitik; dei ozena izan zan euren ondoan egoteko, lagun egiteko, eurentzat ikastea dalako, ez dabe-eta ezer ezagutzen. Eta bakardadea, handi-handia da.Bizilekua bilatzen, erroldatzen, erropak eskuratzen (ia erropa barik gatoz= lagundu… Saiora etorri ziran gehienak, fededunak ziran eta konfiantzazko fedea, laguntasuna eta arintasuna aurkitzeko fedea, aurrera jarraitzeko fede eta sendotasuna erakutsi eben”.
Saio bietan, amaieran kafea eta pastak hartu ebezan…
