Esti Duran alkarteetako kide eta saioetako partaideak azaldu dauanez, BMM laikotza “doe lez” autortzen dabe, “laikotzagaz bidelagun” agirian jaso danez. “BMM laikook misino lez ulertzen dogu geure bizitza (lanak, familiak, boluntario lanak…), Jainkoaren deiari erantzuna emoten saiatuz, gure konpromiso eta ardurakidetasunaren bidez”.
Euren ekintzen bidez, alkarteetan eta gaur egungo gizartean egon daitekezan beharrizanei erantzuten saiatzen dira, Duranek azaldu dauanez. “Gizarte zuzentasunaren alde eginez, pertsonak zainduz, geure burua zainduz, danona dan etxea zainduz eta klima-aldaketaren eragina murrizteko lan eraginkorra eginez, giza eskubideen bortxaketaren aukra eta transzendentzia bilatuz, Ama Margaritaren, barnekotasunaren Irakaslearen bitartez. Azken baten, BMM laiko lez egon gura dogu bizitzan, alkarte senetik, garaien zantzuei erantzunez”.
