Elorrion, ospakizun berezia izango dabe bihar. Jaione Lopez gaztea Manilara misiolari urte birako. Bihar izango da bialketa-ospakizune. Asiako herrialde horretan, Berrizko Mesedetako Misiolariakaz jardungo dau.
San Balendin Eguna
Egunari hasiera emoteko, goitzeko 10:00etan, Eukaristia ospatuko da monja domingotarren Santa Ana komentuko eleizan, santua bost urtez akolito izan zan lekuan, Iñaki Jauregi buru dala. Gotzainak be egingo deutse bisita monja domingotarren alkarteari basilikan ospatuko dan Eukaristiaren aurretik.
Altarara goratu ebenetik, Berriotxoako San Balendin Bigarren Zaindari izan da eta izendapen hori ez da aldatu, Loiolako San Inazio da-eta lehenengoa. 2012.eko uztailaren 4an Vatikanoak izendapen hori egin ondoren, jai liturgiko lez ospatzen da Eleizbarrutian, hau da, mezan Aintza abestu edo errezatu egiten da eta Santuaren berariazko otoitz eta irakurgaiak dagoz.
