BBKren eta Bilboko Arte Ederren Museoaren ekimen hau, aire zabalean egingo da eta oraingoan Enkarterrian ikusiko dabe. ‘Herriz herri’ egitarauaren barruan, hauxe da xedea: “Bizkaiko udalakaz batera, eragin sozial positiborako egitasmoak lantzeko ekimenak eskuragai jarri herritarrei”.
‘Umeak / La infancia en el arte’ goiburuaren haritik, Bilboko Arte Ederren Museoko artelanen kopiak batu dira gaurtik abuztuaren 19ra arte Artzentalesen ikusi ahal izango dan erakusketan. Gero, Gernikarrek izango dabe ikusteko aukera.
Erakusketa ibiltari honen bidez, “artea eta kultura Bizkaitarrengana hurreratu gura da, artelanen kopia bikainen bidez, horretarako eremu publikoez baliatuz”.
Sorollaren margolana
“Erlikiari musu emotea”, mihise gainean egindako olio-pintura Sorollaren 1893ko artelana da eta erakusketa ibiltarian ikusi daiteke. Bilboko Arte Ederren Museoak Eleiz Museoari itzi eutsan artelan hau “Sorolla eta erlikiak” aldi baterako erakusketarako.
Argibide-audioak
Kopiakaz batera, argibide-audioak dagoz eskuragai, euskeraz, gaztelaniaz, ingelesez eta frantsesez. Doan jatsi daitekez eskuko telefonoetan QR kodearen bidez.
Ekimenak Bizkaiko 52 udalerri bisitatuko ditu.
