Gaur amaituko da BizkaiBira, Gurutzetan hasi eta Bilboko Santiago katedralean amaituko dan etapagaz. Hemen, On Joseba Segura gotzaina buru dala, amaierako Eukaristia ospatuko da 12:00etan -zuzenean web orrialde honen bidez-. Gotzainak, gainera, atzo erromeria ospatu zan salestarren Gurutzetako ikastetxetik abiatuko dan etapan parte hartuko dau. Aurretik, beste etapa bitan be parte hartu izan dau: lehenengoan, Bilbotik Galdakaorakoan eta laugarrenean, Zeanuri eta Gorbea lotu ebazan ibilbidean.
Etapa erraza da gaurkoa -9 kilometro inguru-; ordu bi be ez dira beharko burutzeko eta edozeinek parte hartu leike, baita mugikortasun urriko pertsonek be. Itsasadarra Ezkerraldetik zeharkatzen dauan bidegorritik egingo da bidea Bilboraino.
Hona hemen, orain dala egun batzuk Clara Arza Fede-zabalkunde eta Katekesirako eleizbarrutiak egin eban deialdia:
