Jaione Elorrion jaio zan eta txikitatik egon da parrokiari eta Eleizbarrutiari lotuta. Orain dala urte batzuk Ipar-Hegoaldea ikastaroa egin eta bokazino barria biztu jakon.
Jaionek irakasle-ikasketak egin ebazan Gasteizen eta, Ipar-Hegoaldea ikastaroa egin ondoren, Kaikorrera (Kenya) joan zan Gradu Amaierako Lana (GAL) egitera. Hiru hilabetetan amaitzeko ustea eban, baina, han egoala pandemia gertati zam eta, azkenean, “hilabete bi gehiago egon nintzan han”.
Misino-bokazinoa
Jaionek azaldu dauanez, “nire kasuan, lagun askoren hurkotasun eta laguntasuna izan dot”. Bere esanetan, “ilusinoz beteta nago Berrizko Mesedetako Misiolariakaz egingo dodan lanagaitik, neure bokazinoagaz bat dator-eta: heziketa, pastoraltza eta osoko ekologia”.
Misino-bialketa
Ekainaren 17an, zapatuz, Elorrioko parrokia alkarteak, Oiz-Anboto PBko alkarteakaz batera, esker oneko Eukaristia ospatu eban alkartean egin izan dauan lanagaitik, “bere eskaintza eta bere misino-aukera eta konpromisoagaitik”.
Uztailaren 4an, Berriotxoako San Balendin Bizkaiaren zaindarietako baten egunez, On Joseba Segura Bilboko gotzainak urte birako Manilara (Filipinak) joan dan Jaioneren misino-bialketa egin eban. Jaionek autortu dauanez, “niretzat fedea, txikitan jaso neban oparia izan zan; beste batzuei transmititu gura izan deutsedan oparia izan zan, eta horrexegaitik nago ni gaur hemen”.
