“Kit de la paz-Bakea erein” dalako ekimenari eskainitako standa izan zan `Eleizea Plazara´ azokan jente gehien jaso ebana. Nork bere poltsa pertsonalizatu eta hainbat osagaiz osotzeko deia egin zan, lagun bakotxa aldaketaren eragile eta orekaren ereile izan daitekela pentsatzera bultzatuz.
Kaputxino nanoa ereiteko jarraibideak
Landarea gogorra da, apaingarria eta jangarria. Kaputxino nanoa, aukerakoa da loreontzi, ertz eta jardineretarako.
🌱
Aurretik beratzen ipini: Itzi haziak ur epeletan 12-24 ordu erein aurretik. Holan azala bigundu egingo jako eta errazago erneko da.
Eguzkiaren argia: Eguzkia dau gustuko, baina erdi-itzalean be egon daiteke.
Lurra: Arina, ondo drainatuta eta ongarri gitxigaz (ongarri askogaz ez da hainbeste loratzen).
Noiz erein: Udabarrian, azken izoztearen ostean.
Sakonera: Hazi bakotxa 2-3 zentrimetroko sakoneran erein.
Tartea: Hazien artean 20-25 zentimetro itzi.
- Erein eta ur apur bat bota
Lurra heze euki ez ur-putzuakaz erne arte (7-14 egun).
Gitxi ureztatu, ur larregi bota ezkero onddoak atara daitekez-eta.
Ez bota ongarri larregi: nitrogenoan aberatsa da ongarriak hostoak haztea dakar baina lorerik ez.
Moztu: Lore zimelak moztu barriak atara daitezan.
Landareen argazkia zabaldu
Eleizbarrutitik dei egiten jake kaputxino nanoak erein daiezan guztiei, loratu ondoren, landarearen argazki edo bideoak batera jartera. #bakeaerein #kitdelapaz hashtag-az baliatuz.
Ekintza txikiek (esate baterako hazi bat oparitu) eragin handia izan leikie denporaren buruan.
Agertu zure landarearen argazkia!
