Gizarte Jubileuak geltoki bi izango ditu datorren asteburuan: Santa Ana monasterioa eta lurraldean Caritas Bizkaia erakundeak kudeatzen dauan Etxepel bitartekoa. gestiona en el territorio son los próximos lugares de peregrinación del Jubileo Social en Bizkaia.
Ekimen honen bidez, deialdia egin gura jake gizatalde desbardinei, “erromes joan daitezan eta konpromiso eta itxaropenezko keinua egin daien”.
Barakaldon egin zan lehenengo erromesaldia eta Durangon izango da bigarren ekitaldia.
Leku bakotxean egingo dan ospakizunean, txalupa ipiniko da altararen behealdean. Hantxe jarriko dira partaideen konpromisoak, paperean idatzita. Papera txalupan izteaz batera, dalako pertsona horrek aingura jasoko dau. Horreexek dira proposatutako zeinuak, lekuko erara, bikaritzaz bikaritza agertuko diranak.
Gizarte Jubileua Elorrion amaituko da, kurtsoari hasiera emongo deutsan “Goazen” ekitaldiagaz, irailaren 27an.
Etxepel egitasmoa
Etxepel bitartekoak osoko arreta eskaintzen deutse bizilekurik ez daukien Durangaldeko herritarrei. Banan-banako akonpainamendua eskaintzen dabe, bazterketa jasaten dauanak gizarteratze bideari ekin deion. Bazterketa jasaten daben pertsonentzako Bizkaiko Foru Aldundiaren eguneko arretarako zerbitzua be eskaintzen dau.
Gizarte Jubileua prestatzeko lagungarriak
Bilboko eleizbarrutiak lagungarriak prestatu ditu Jubileuaren gizarte alderdia bikaritzaz bikaritza aurkezteko.
Lagungarriak: hemen
