Mariaren Leginoa andra Mariari buruzko mobimentu katolikoa da. Frank Duff laiko irlandarrak sortu eban orain dala 104 urte, 1921eko irailaren 7an.
1949an, Jose Manuel Apellaniz BIlboko Santiago parrokiako abade lagunkideak Incunable aldizkariaren bitartez izan eban Mariaren Leginoa deitutako mobimentu apostolikoaren barri. Jakin-mina biztu eta Concilium dalakoari idatzi eutsan argibideak eskatuz. Urtea amaitu baino lehen heldu zan Bilbora sor Pacita Santos filipinarra eta beragaz hartu-emonean jarri zan. Gehiago jakiteko: hemen.
Gaur egun, boluntarioz osatutako hainbat talde dago eleizbarrutiko hainbat herritan eta, besteak beste, ahulezia handian dagozan pertsonei lagun egiten deutsie.
Frank Duff
Frank Duff Mariaren Leginoa mobimentuaren fundatzailearen inguruan egingo da arratsaldeko erretiroa.
Duffek bere herrialdeko finantza ministerioan lan egin eban. “Paduleko San Bizente Biltzarreko” kide izanda, Dublineko familia behartsuei bisita egiten eutsen. Laikoen apostolutzaren erreferente izan zan eta bere lanbideak, espiritualtasunak eta baztertuen aldeko ardurak pisu handia izan eban bere bizitzan.
