Oraingoan, zortzi migratzailek euren bizitzako istorioak batera jarri ebezan ikasleen aurrean, euren ibilbide migratzailea kontatuz: zergaitik itzi eben euren herrialdea, gure gizartearen abegia sentitu daben ala ez, ze ekarpen egiten daben euren esperientzia eta kulturatik…
Gazteek bizipen honeek entzuteko, euren inguruan hitz egiteko eta hausnartzeko aukera izan eben, bizikidetzarako aberasgarri diran askotariko errealitateak ezagutuz.
Migratzaileek gure gizarteari egiten deutsen ekarpenaren garrantzia nabarmentzea izan zan helburua, enpatia, inklusinoa eta alkarren autorpena sustatuz.
“Gizatasunezko liburuak” formatuaz, zenbait lagunek bere bizitzako istorioa kontatu eban:
- Amine – “Comunidad y oportunidad: En busca de un destino mejor”
- Tamara – “Cambiar de continente para agrupar a la familia”
- Karin – “Nuevos horizontes para la familia”
- Griselda – “Caminos que se expanden”
- Bernard – “Saber adaptarse a los imprevistos de la Vida”
- Cristian – “Resiliencia”
- Hajar – “Puentes en lugar de muros”
- Lida – “La voz de Afganistán”
Azkenean azaldu ebenez, “egiaz eta zirraraz betetako kontaketok entzunda, hobeto ulertu eben zerk bultzatzen dituan lagun honeek migratzera eta prozesu horretan bizi dabezan askotariko esperientziak. Entzutea, bategitea eta ikaskuntza nabarmendu dira eta bultzada jaso dogu pertsonen eta kulturen arteko zubiak eraikitzen jarraitzeko”.
