Monja domingotarren Santa Ana komentua herriko alde zaharrean dago. Eraikinak oinplano errektangularra dauka eta lau isurialdeko estalkia. Bertan, komentuaz gainera, Berriotxoako San Balendin Bizkaiko lehen santu eta zaindari-kidearen museoa eta tenplua dagoz.
Berriotxoaren museoa
Berriotxoako San Balendinen bizitzari lotutako gauzaki eta agirien bilduma berezia jasoten dau. Hasiera baten, santaren jaiotetxean egoan, baina 1966tik asita, Elorrioko Santa Ana komentuko gela baten dago.
2003an inauguratu zan, kokapen barrian, museoa. Santuaren bizitzako hainbat pasarte agertzen da: lehenengo urteak Elorrion familiagaz; heziketa aldia Logroñoko seminarioan; Filipinetara joatea; misino-jarduna Tonkinen (Vietnam); martiritza 1862an eta erlikien itzulera Bizkaira.
Eraikina
Hiru altuera ditu eta hutsarte-ardatz bi fatxada nagusian, fatxadaren arrasean balkoi diranak. Tenluan, aurrealdea nabarmentzen da: erdi-puntuko hiru arku ditu hutsarteetan sartutako zutabe sendoen gainean. Gaur egun komentua dagoan lekuan Santa Anari eskainitako ermita egoan aurretik.
Gozogintza
Elorrioko monja domingotarrek askotariko gozokiak egiten dabez. Jenteak asko estimatzen ditu euren produktuak -batez be tartak- eta hauxe da komentuko diru-iturri nagusia. Enkarguren bat egin gura izan ezkero, 94 682 04 55 telefonora deitu daiala monjakaz hartu-emonean jarteko.
