Uribe -koreeraz Yoo Eui-bae da bere izena-, Gernikan jaio zan orain dala 78 urte eta 43 urte daroaz Hansen gaixotasuna baben pertsonei eta ahalmen-urritasunen bat dabenei arreta eskaintzen deutsen alkarteko buru lez, Seuletik 300 kilometrora hego-ekialdean dagoan Sancheong konderrian, Hego Gyeongsang probintzian.
Orain dala hamar urte inguru hasita, Hego Koreako herritarrek proposatutako ehunka hautagairen artetik aukeratuta, “euren merituagaitik” nabarmendu diranei emoten jaken ‘Peoniaren Domina Nazionala” hartu eben 19 lagunen artean egoan frantziskotarra.
Komunikabideek eta hainbat agintarik goratu dabe behin eta barriro Uriberen lana. Frailea, Bolivian egon ondoren, 1976an heldu zan Hego Koreara.
1980an hartu eban Sungsimwon alkartearen ardura. Hego Korean luzaroan guztiz estigmatizatuta egoan lepraz gaixotatutako pertsonak hartzen dabez bertan eta lagun horreentzat etxe bihurtu da.
