Ehun urte daroaz Teresiar Instituzinoak Bizkaian. “XX. gizaldiaren hasieran heziketaren arloan bideak zabaldu ebazan eta emakumeen alde jardun eban” Pedro Poveda abadeak sortu eban. Bizkaian, 2.000 lagun baino gehiago eta euren familiak batzen ditu.
Historia
Pedro Povedak heziketa eta kultur jardueren bidez giza eta gizarte sustapenean konprometitutako laikoez osotutako Instituzinoa sortu eban. Poveda bere sasoiko auziakaz konprometitutako abadea izan zan eta UNESCO erakundeak ‘pedagogo eta humanista’ lez autortu eban. Joan Paulo II.a aita santuak altarara goratu eban 2003an.
Emakumeak unibertsitatean sartzea izan zan Povedaren egitasmoaren oinarrietako bat, Instituzinoa sortu ebanean, “bakarrik 40 emakume egozalako Estatuan unibertsitatean ikasketak egiten”.
Lehenengo Akademia, Oviedon
Cuevas de Guadixen (Granada) abade lez jardun eta hainbat ekimen sozial eta hezitzaile martxan jarri ondoren, Poveda Covadongara (Asturias) joan zan. Hementxe sortu eban Instituzinoaren lehenengo Akademia 1911an. Gaur egun, 30 herrialdetara hedatuta dago.
1912an, Pedro Povedak hauxe idatzi eban: “Bilbori buruz hainbeste gauza on entzun ondoren, bertan Akademia sortzea bururatu jatan”.
Teresiar Instituzinoarena da Ikasbide itunpeko ikastetxea, Bilboko Simon Bolivar kalean dagoana.
