Noticias

Gaur Lekeitioko Santo Domingo komentuan dagozan klausurako hamar monjek ospakizun biribila euki dabe. Jatorriz Keniakoak diran lekaime bik behin behineko profesinoa, komentuan behin betiko geratzeko ospakizunaren aurrekoa egin dabe. Biboko gotzaina, on Joseba Segura izan da batzarburua, Bilboko gotzain izentau ebela urtebete igaro dan egunean. Sor Carolina eta sor Hellenek dominikoen ordenekoak izateko urratsa emon dabe. Ospakizunean Lekeitiko alkatea eta udaleko beste agintari batzuk be izan dira herritarrakaz batera. Afrikako kantu eta dantza alaiakaz emon jako amaierea ospakizunari.

Arratiako Caritasek 26 urte bete dauz. Mende laurden pasautxo hau eta gero, oraindino be, erakundearen laguntzea behar da. Haranean preminak daukiezan familiak dagoz eta 25 boluntariok dihardue horreei erantzuna emoten. Bihar lan hori eskertu gurean, omenaldia jasoko dabe Igorreko parrokian egingo dan ekitaldian, arratsaldeko bostetatik aurrera.

Bihar eta etzi, Eleizaren sostengu ekonomikoaren inguruko jardunaldiak egingo dira Madrilen Gotzainen Konferentziak antolatuta. On Joseba Segura, Bilboko gotzaina, arlo honetako arduraduna da Batzordean, beraz, bera izango da topaketeari hasierea eta amaierea emongo deutsana. Bilboko Eleizbarrutitik Jose Mari Ziarrusta, gerenteak; Jose Joaquin Moral, boluntario ekonomikoen arduradunak eta Dorleta Alberdi, komunikazino saileko zuzendariak hartuko dabe parte ekitaldietan.

Estatuko 50  herri ingurutan eta sentiberatasuna bizteko kanpainen bidez eta gizarte sareetan ospatzen da Bidezko Merkataritzaren Munduko Eguna.

Juanjo Elezkanoren kantaldia Begoñan, Eskauten Eguna Barakaldon; HOACen Eguna Galdakaon; Portugaleten, Pastoral Barrutiaren Eguna; Begoñan, Bokazioen aldeko Munduko Otoitz Eguna eta Jaunartzeak Eleizbarrutiko hainbat lekutan, adibidez, Arratian. Misiolarien topaketea Urkiolan. Honeexek izan dira, besteak beste, astegoien honetan Bilboko Eleizbarrutian ospatutako ekitaldiak.

“Espiritualtasuna kultura eta erlejino askoko testuinguruan” goiburuaren haritik ospatuko da gaur hasiko dan Biziera Erlijiosoaren Astea. Eguaztenera arte Arrupe Etxean izango dira saioak, arratsaldeko zazpiretatik aurrera.

Bokazinoen aldeko Munduko Otoitz Eguna eta Sorterriko Bokazinoen Eguna ospatzen da gaur, “Itzi arrastoa, lekuko izan” goiburuaren haritik. 

Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org

Bihar –maiatzak 8, domeka-, Bokazinoen aldeko Munduko Otoitz Eguna eta Sorterriko Bokazinoen Eguna ospatuko da, “Itzi arrastoa, lekuko izan” goiburuaren haritik. Klero eta Seminarioetarako Gotzain Batzordeak, Lekaide eta Lekaimeen Espainiako Batzordeak (CONFER), Aita Santuaren ardurapeko Egintzak (OMP) erakundeak eta Institutu Sekularren Espainiako Batzordeak batera sustatzen dabe egun hau.