Noticias

Bihar Bilboko Eleizbarrutiak hasierea emongo deutso kurtsoari Indautxuko Jesuiten ikastetxean. Goizeko 11etan hasiko da ekitaldia polikiroldegian, 13:00etan ospakizuna egongo da eleizan eta 13:30etan, bazkaria izango da aldez aurretik izena emon dabenentzat. Bilboko gotzainak, on Joseba Segurak, VI. Plana aurkeztuko dau ekitaldian. Bertan azaltzen diran lerro nagusiak gorpuzten dabilzan lekukotzak ikusi eta entzungo dira ekitaldiaren lehenengo zatian. Bigarrenean, 12etatik aurrera, Jose Mari Kortazar lurralde bikarioak okasinorako prestau dan karta-jokoen dinamikea aurkeztuko dau. `Altrius´ …

Deustuko Unibertsitateak hasiera ofiziala emon deutso ikasturte barriari. Ekitaldi zibilaren aurretik, mezea ospatu da. Gotzaina izan da eukaristia burua eta bertan mezu argi batzuk itxi dauz. Alde batetik "jakintza-arlo ezbardinen arteko alkarrizketea erraztu" behar dala eta Unibertsitatean "zientzia eta humanismoa idi-uztarriak" dirala. Era berean, aurrera begirakoak azpimarratu dauz zera esanda: "erronka bat da eta bideak ugari". Zapatu honetan Eleizbarrutiak inauguretan dauan kurtso hasierearen leloari keinua eginez "koloreak kolore, lekuan lekuko izateko jaio gara", esan dau. …

Astegoien honetan, irailaren 24 eta 25ean, Bilboko Elizbarrutiak jardunaldi bi ospatuko dauz pastoral ekiturteari hasierea emoteko. Zapatuan, Goazen! ekitaldia egingo da Bilbon. Bertan 300 lagun inguruk hartuko dabe parte. Domekan, Bizkaiko eleizetan inaugurauko da modu ofizialean kurtsoa. Bizkaiko Caritasek eta parrokiek kanpaina bateratua egingo dabe. `Mila kolore hainbat balore´ da jardunaldiaren goiburua, "Bizkaiko kristau alkartea osatzen dogun norbanako eta ekimen anitz eta aberasgarriak galdu barik", adierazoten da gonbidapen mezuan.

Bilboko gotzainak ohar bat kaleratu dau `Gaztelueta kasua´ deritxonaren inguruan. Bertan azaltzen dauanez, Aita Santuak 2014an izan eban Gaztelueta eskolako irakasle baten kontra jarritako abusu salaketen barri. Harrezkero, hurretik jarraitu dauz bai Eleizeak zein Auzitegiek kasuaren inguruan hartutako ebatziak. Orain, prozesu kanonikoa zabaltzeko agindu dau erantzukizunak argitzeko eta sortutako zauriak osatzen laguntzeko.

Gotzainak ondo etorria adierazo deutso Felix Larrondo kontseilari barriari, Eleizbarrutia agurtu dau eta joan dan abuztuan Ekuadorren hil zan Johnny Vargas abadea gogoratu dau.

Irailaren 24an ospatuko da ‘Goazen’ pastoral kurtsoari hasiera emoteko ekitaldia eta aurretik, hain zuzen be gaur, Gotzain Kontseiluak ekiturteko lehenengo batzarra ospatuko dau On Joseba Segura gotzaina buru dala. Hainbat bai jorratuko dabe, besteak beste, Ebanjelizatzearen Eleizbarrutiko Egitasmoa (EEE) martxan jartearena, eta harrera egingo deutse orain arte VI. bikaritzako bikario izan dan eta Eleizbarrutiko Seminarioko errektore izendatu daben Ignacio Fernandezen lekua hartuko dauan Felix Larrondori.

Taldeak Munich bisitatuko dau eta baita Neuschwansteineko gaztelua eta eleiza barrokoa eta Andechseko eta Wieskircheko monasterioak be. Dachaura be joango dira kontzentrazino-esparrua ezagutzera eta Nurembergera, kasu honetan, gaztelua, eleizak, nazismoari buruzko museoa eta ospakizun-zentroa ikustera.

Gotzon Goioaga uztailaren 28an hil zan eta bere arimaren aldeko mezea bihar –domekea- ospatuko da Otxandion, 12:30etan. Abuztuaren 8an hil zan Johnny Vargasen aldeko oroimenezko meza datorren zapatuz, irailak 10, ospatuko da eguerdiko 12:00etan, Gurutzetako parrokian.

Azken hamar urteotan ordenatu diran Bartzelonako artxidiozesiko 30 abade bisitan izan dira Bilboko Eleizbarrutian abuztuaren 29tik irailaren 2ra, pandemiak eragindako urte biko etenaldiaren ostean urteroko erromesaldia berreskuratuta.

Elorrioko Domingotarretan eta Lekeitioko Agustindarretan jardunaldi berezi bi biziko dabez gaur eta bihar. Elorrion monja bik emongo dabe behin betiko alkarteko kide izan orduko aurreko urratsa. Gaur izango da ospakizuna eguerdiko hamabietan eta bertan izango da gotzaina be. Bihar, bestalde, Lea-Artibain dagozan klausurako monja agustindarretan euren sortzailearen eguna gomutauko dabe. Arratsaldeko zazpiretan izango da mezea komentuko eleizan. Aurton, osasun egoerea hobetu dala-ta ospakizunean gura daben herritarrek be hartu leikie parte.