Hilabete honetako bilkuran, mugak zeharkatu guran biktima bihurtu diran pertsonen aldeko laguntza areagotu gura dabe eta, aldi berean, Europako hegoaldeko mugan bizi dan zoritxarraren larritzea salatu.
Migrazinoetarako Nazinoarteko Erakundearen datuen arabera, urte honetan, 2.153 etorkin hil eta desagertu dira Mediterraneoa zeharkatzeko saiakeran.
Uztaileko ‘Bizkaia isilik’ bilkuran, “harrera egin eta abegiz jokatzea” dala-eta ze egoeratan gagozan gogoratuko da. Antolatzaileek azaltzen dabenez, “gure herrialdean, harrera-sistema jentez lepo da eta zaharkituta dago; etorkin eta errefuxiatuak zenbaki lez hartzen dabez eta ez herritar lez”.
Esker ona be adierazoko deutse “abegia hitza zentzunez beteten, bizkaitarrak motibatzen harrera suspertzen eta gizarte hobearen eraikuntzan konprometitzen eta harrera-sistema, bitartekorik eza eta gizarte estaldura falta salatzen ahalegintzen diranei”.
Abuztuan ez da bilkurarik egingo. Hurrengoa, irailaren 23an ospatuko da.
