Begoñako Gogarte Etxean batu zan atzo Gotzain Kontseilu zabala kurtsoko lehenengo saioa ospatzeko. Idazkari Nagusi barriak eta atzoko saiorako beren-beregi deitutako lagun bik parte hartu eben aitatutako batzarrean.
Pastoral ekiturte honetarako lehentasunezko gaitzat jotako hainbat kontu landu eben. Gotzainak, bere aldetik, guzti horreei “sormenez” heltzeko eskatu eban.
Besteak beste, honeen inguruan jardun eben: irailaren 30ean Markinan ospatuko dan e’Goazen!’ kurtsoaren hasierako ekitaldia, Gazteen Munduko Egunaren inguruko ebaluazinoa edo Eleizbarrutiaren sorreraren 75. urteurrenaren ospakizunerako aurreikusitako jarduerak.
Esker ona Juan Manuel Seco eta Marisa Ariasi
Batzarraren ostean, bilerako partaideek alkarregaz bazkaldu eben eta gaur egun ondasun higiezinen saileko arduradun dan Juan Manuel Seco eta aurrerantzean ospitaleetako akonpainamenduan arituko dan Marisa Arias batu jakezan. Gotzain Kontseiluan egin izan daben lana eskertu eutsien eta Kerman Lopez bikario nagusiakeuren izena eta azpian, ‘Eskerrik asko’ jarten daben taza bana emon eutsen.
Euren aldetik, esker ona adierazo eben Bizkaiko Eleizaren zerbitzura dan eremu horretan parte hartzeko aukera izateagaitik, “aberasgarri” izan dalako euren bizitzarako.
