Aitatutako azterraldia otsailaren 22an amaituko da eta lau kontu zehatzen inguruan galdetzen dau: ardurakidetasuna, hartu-emon ereduak, partaidetza eta sinodo-senaren inguruan parrokietan garatu daitekezan lehentasunak.
Vatikanotik deialdia egiteko kaleratu daben agirian azaltzen danez, “kontua ez da hutsetik hastea edo lehenengo aldian egin zan entzute eta kontsulta prozesua errepikatzea”. Kasu honetan, “askotariko esperientzia, gaitasun, karisma eta ministerioak agertzen dabezan norbanako eta taldeak konprometitu” gura dira.
Ekarpenak batzea eta bialtzea
Sinodorako Eleizbarrutiko batzordeak esteka eskaini dau eta hortxe jasoko dira taldeen erantzunak, “errazago izan daiten jasotea eta laburpena egitea”. Epea amaituta, ekarpenen laburpena Sinodorako Gotzainen Batzarreko Batzordera bialduko da.
Batzordetik eskerrak emoten dabez parte hartzeagaitik, jarritako epemuga “eskasa” dala jakinda. Zalantzarik izan ezkero, beren-beregi gai honetarako atondutako helbide elektronikora idazteko esaten da: sinodo@bizkeliza.org
Lau galderak
Laburpen-txostenaren 8-12 kapituluak kontuan hartuta, zelan sustatu daiteke ardurakidetasun bereizlea Jainkoaren Herriko kide guztien (laikotza, biziera sagaratua, ministerio ordenatua) misinoan?
16. kapituluaren argitan, sinodo-sena gauzatzeari begira, misinoari lotutako ze hartu-emon mota, egitura, bereizketa- eta erabaki-prozesu da egoki ha aztertzeko, eratzeko, sustatzeko?
18. kapitulua kontuan hartuta: Ze ministerio eta partaidetza-organo barritu edo sartu daiteke ardurakidetasuna hobeto agertzeko?
Ze lehentasun eta ekimen (txostenean, 20 kapituluetako bakotxaren azkenean azaldutakoen artean) garatu geinke Eleizbarrutiko parokia mailan sinodo-senetik ikasten jarraitzeko?
