Zapatu eguerdiz, Eleizbarrutian dagoan ekuadortar alkarteko kideek Nuestra Señora del Cisne euren zaindariaren eguna ospatu eben Deustuko San Pedro parrokian. Ekuadorrekoa dan eta parrokian txertatuta dagoan sendi batek sustatu eban ospakizuna. Bertan, sendi honek erreleboa emon eutson beste bati urtean euren etxean hartu dagien Virgen del Cisne dalakoa. Amaieran, senide bazkaria ospatu eben.
Imanol Elola
Atzo -irailak 6, domeka- Deustuko San Pedro parrokiako alkartearen ospakizunean, bertako eleiztar dan Imanol Elolaren misino-bialketa egin zan. Handik ordu batzuetara, Peruko Trujilo Garairantz abiatu zan.
Alkarteak bidaiaren sen eta edukia ezagutzeaz gainera, Imanolen misino-bialketan parte hartu eban.
Eta guzti hau gertatzen zan bitartean, On Joseba Segura Bilboko gotzainak eta Euskal Eleizbarrutietako Misinoetako ordezkaritzak Ekuadorren jarraitzen eban 1948an herrialde haretara heldu zan eta orain dala 75 urte hil tzan Maximo Guisasola misiolaria omentzeko ekitaldietan parte hartzen.
