Aldizkariaren ale honetan, On Joseba Segura Bilboko gotzainak kurtso hasierako ekitaldian eskeini eban berbaldiaren zati bat irakurri daiteke.
Aurpegi barriak
Kurtsoko lehenengo alean, Gotzain Kontseiluko bikario barrien ingurukoak azaldu dira. Carlos Olabarri IV. bikaritzan, Borja Uriarte VI. bikaritzan eta Jose Agustin Maiz eta Inmaculada Loroño V. bikaritzan, dira aurpegi barriak eta azken biok batera jardungo dabe bikario eta pastoral koordinatzaile lez. Javi Garia da Ministerio Ordenaturako Idazkaritzako zuzendari barria eta Nerea Bilbao eleizbarrutiko ikastetxeak batzen dituan EBI sareko arduradun barria. Idatzizko alkarrizketagaz batera, bideoak ikusi daitekez aldizkari digitalean.
Ahots asko
Zazpi lan-ildo dituan sinodo-bidea aztertzen da. Ibilbide hau 2027ko ekainaren 12an egingo dan ebaluaketarako batzar nagusan amaituko da.
Ale honetan, Elena Unzueta Caritas Bizkaia erakundeko zuzendariak erakundearen 70. urteurreneko ospakizuna, azaroan Euskalduna jauregian ospatuko dana. iragarri dau. Euskalerriko Eskautak Bizkaia mobimentuari eta Eleizbarrutiko Teologia eta Pastoraltza Institutuari (ETPI) be emon jake tartea kurtsoaren hasiera honetan.
Ehun urte mugak zeharkatuz
Berrizko Mesedetako Monjek 1926an Txinara egin eben lehenengo espedizinoa be gogoratu da. Isabel Seman eta Filomena Hirota misiolariek kontatu dabe aldizkarian zelan zabaldu ebezan ikastetxean Mikronesia eta Japonian.
Eta misinoen arloan, Maximo Guisasola misiolariaren heriotzaren 75. urteurrena bete dala-eta, Ekuadorren, irailaren hasieran eta gotzaina bertan zala, eskaini deutsoen omenaldiaren ingurukoak kontatu dira.
Agendarako
Aldizkarian iragarri danez, Itziar Urtasun izango da Begoñako Ohorezko Erromesa urriaren 11an eta 13an arkeologia-indusketak hasiko dira basilikan.
Urriaren 8tik aurrera, «Ondarea mugan» erakusketa egongo da ikusgai Eleiz Museoan. Gainera, Domundaren mendeurrena ospatuko da, urriaren 4an, Eukaristia Etorkin eta Errefuxiatuaren Munduko Eguna dala-eta eta ‘Bizkaia isilik’ bilkurek 10 urte bete dabezala gogoan hartuta.
Alkarren Barri aldizkariaren 323. alea eskuragarri da: BIlboko eleizbarrutiko bizitza ezagutzeko aukera.
