San Anton eleizatik estatu osorako emongo dan meza honetan, latinoamerikar alkarteko kideek parte hartuko dabe. 2. kateko mezaren aurretik, jardunaldia dala-eta Bilboko gotzainari Ekuadorren bizi izan eban misino-esperientziaren inguruan egin deutsen alkarrizketa eskainiko dabe.
Karidade eta Zuzentasunerako Ordezkaritzako MIgrazinoetarako sailetik nabarmendu dabenez, Eukaristia honetan, “Barri Onagaz bat egiteari esker fedetik sortu dan aberastasun kultural eta espirituala eskertu gura dogu”.
Ospakizunean, gogoan izango dabez “misino-bokazinoak deituta, Hispanoamerikako kristau alkarteetan lagundu izan daben eta laguntzen diharduen” abadeak, lekaimeak, lekaideak eta laikoak. Aldi berean, ospakizunean, gogoan izango dabe “kulturan zein erlejinoan aberastasun handia” dauan Hego Amerikako alkartea.
Latinoamerikar, txinatar eta afrikar meza Eleizbarrutian
Bilboko Eleizbarrutian, hainbat alkarteren eukaritiak ospatzen dira:
Latinoamerikar alkartea – Hilaren azken domekaz, San Luis Beltran parrokian, 17:30etan.
Afrikar alkartea – Hilaren lehenengo domekaz, San Anton parrokian (Alde Zaharra), 12:30etan.
Txinatar alkartea – Domekero, Karmeneko Ama parrokian.
