Karidade eta Zuzentasuna
Karidade eta Zuzentasunerako Eleizbarrutiko Ordezkaritzak, Ebanjelioan eta Eleizaren Doktrina Sozialean oinarrituta, honetan lagundu nahi dau: gizarte kontzientzia handiagoa sustatu, ikuspuntu ebanjelikotik zuzentasun eta parte hartze handiagoa dauan gizartea egiten lagundu eta norbanako eta gizatalde ahulenak lehenesten dituan Jainkoaren maitasuna agertzera emongo dauan Eleiza gertukoa eta gizartean txertatua sustatu.
Gehiago jakiteko eta hartu-emonerako
Arduraduna: Manu Moreno
Helbidea: Plaza Barria 4-2. 48005 Bilbao
Tl.: 944 795 613
Emaila: caridadyjusticia@bizkeliza.org
Pastoral Azpimarrak
Pastoral Arloak
Karidade eta Zuzentasunaren inguruko barriak
"Ehundu alkartea" botere teknologiko eta ekonomikoaren aurrean, HOACen udako ikastaroetan
200 lagunek -15 Bilboko eleizbarrutikoak- parte hartuko dabe aste honetan -uztailaren 20tik 26ra- HOACen udako ikastaroen aurtengo ekitaldian, Madrilen. Aurton, "Alkartea ehundu aro digitalean: guztion onaren aldeko konpromisoa" goiburuaren haritik, era digitalean guztion ona eratzearen ingurukoak landuko dabez.
Jardun gura dozu boluntario lez San Frantzisko auzoan?
"Sanfran Intercultural" gazteentzako (18 urtetik gorakoak) esperientzia da. San Frantzisko auzoan egingo da uztailaren 11 eta 19 bitartean. Kultura eta errealitate anitzetako pertsonen bizilagun izango dira, askotariko gizarte egitasmo eta tailerretan parte hartuko dabe, taldean gogoeta egin eta munduari, eta euren buruari" begiratzeko era barria atzeman.
Gaur, San Frantzisko auzoan, "Munduko arrozak" jardueraren 23. ekitaldia
“Munduko Arrozak/Arroces del Mundo” herri ekimenaren 23. ekitaldia ospatuko da gaur Bilboko San Frantzisko auzoko Mariaren Bihotza plazan. EHUNKA Bilbo Zaharra, San Frantzisko eta Zabala auzoetako alkarte sareak, non Eleizari lotutako hainbat erakundek esku-hartzen dauan, antolatzen dau gastronomia-lehiaketa hau.