Barriak

Gernikako parrokietan ospatu diran lehenengo jaunartzeetan batutako dirua monja marianitek Kenyako Kaikorren eta inguruko herrietan kudeatzen dabezan haurtzaindegietara bialduko da.

Datorren barikuz, maiatzak 30, senar-emazteek euren Urrezko eta Zidarrezko Ezteguak ospatuko dabez Begoñako basilikan. On Joseba Segura gotzaina buru dala ospatuko da Eukaristia, arratsaldeko seiretan.

Pastoral kurtsoaren amaiera gero eta hurrago dago eta Bilboko Eleizbarrutia hasita dago udako jardueretan pentsatzen. Esate baterako, Fedearen Gizarte, Karidade eta Misino Alderdirako Eleizbarrutiko Batzordearen -Caritas, Euskalerriko Eskautak Bizkaia, Eleizbarrutietako Misinoak eta Fede-zabalkunde eta Katekesirako eta Karidade eta Zuzentasunerako Ordezkaritzak- bidez, gazteek hainbat lekutan egingo diran askotariko lan-kanpamentuetan parte hartzea sustatzen dau.

Eleiz Auzitegiak, Lagungok eta Fede-zabalkunde eta Katekesirako Ordezkaritzak “ezkontzaren deuseztasunerako prozesu kanonikorantz” harrera eta akonpainamendurako gida aurkeztu gura deutsuegu.

Aste Santuaren atarian gagozala, prest dagoz Bilboko eleizbarrutian antolatu diran Pazkoak. 240 gaztetxo eta gazte inguruk emon dau izena, alkartu eta zerbitzua, barrukotasuna eta fedea lantzeko. 

Apirilaren 16tik 20ra 18 eta 25 urte arteko gazteek Pazko esperientzia honetan izena emoteko aukerea izango dabe. Berrizko Maturanaren aterpetxean otoitz egin eta egun honeek daukien zentzunaren inguruan hausnartuko da.  Gazte Pastoraltzatik egiten dan proposamena da. Oraindino be izena emoteko epea zabalik dago esteka honetan

Atzo ospatu zan Galdakaon IV. eta V. bikaritzetako Pastoral Barrutietako ume eta gazteen XIX. topaketa Galdakaon, Gazteen Lurraldeko Mahaiak antolatuta. Berrehun lagun inguruk parte hartu eban, batez be Kilimusi, Argizai, Inurri, Oiz Anboto, Gogotsuak, Arratia, Tabira eta Kosnoaga eskaut taldeetakoak. 

Asteburu bete-betea izan dabe Bilboko abandoko San Bizente Martiria parrokian. Barikus, Kristau Sarbidearen inguruko 30 lagun batu zan heziketa-saioan, Bengo-Leku lokaleltan, Manu Basanta Fede-zabalkunde eta Katekesirako ordezkaritzako kideak lagunduta. Gainera, asteburuan, parrokiako gazteek erretiroa egin dabe Begoñako gogarte etxean.

IV. eta V. bikaritzetako gazteen mahaiak ume eta gazteen XIX. topaketa antolatu dau. Datorren domekan izango da Galdakaon eta batez be IV. eta V. bikaritzetako Pastoral Barrutietako (PB) eskautak batuko dira. Egun berean ospatuko dan Eleizbarrutietako Misinoen kanpaina izango da eguneko ardatzetako bat. 

"Bide egin, zerbitzatu, besarkatu eta itxaropena barritu" goiburuaren haritik, dei egiten jake eleizbarrutiko gaztetxo eta gazteei Pazkoa bizi eta ospatu daien. Antolatzaileen esanetan, "aukera ona da Pazko Hirurrena eleizbarrutiko beste hainbat pertsona eta taldekaz zentzuz eta sakontasunez bizitzeko".