Barriak

Beste urte batez, uztailean Bizkaiko Caritasek, monja pasiotarrek eta jesuitek sustatutako ekimenaren bidez, zerbitzuzko esperientzia bizi izateko aukera izango da gaurtik -uztailak 1- hilaren 14ra arte. Marije Calvo monja pasiotar eta Migrazinoetarako Eleizbarrutiko arduradunak azaldu dauanez, "boluntario lez jarduteko eta fedea beste batzukaz batera bizitzeko esperientzia eskaini gura deutsegu 12 boluntario eta koordinatzaileei eta, horren bitartez, goizero, aparteko aisialdia, gozatzeko eta jostatzeko aukera, emon gura deutsegu Caritasek umeei begira garatzen dauan Tximeleta ekimenean …

Frantziako Tourraren 2023ko lehenengo etapa gaur, uztailak 1, ospatuko da. Txirrindulariek 182 kilometro burutuko dabez Bilbon hasi eta amaituko dan ibilbidean. Tropela 12:55etan atarako da Bilbotik eta Loiu, Gatika eta Laukiz zeharkatuko ditu. Hortik eskumaldera joango dira: Erandio, Leioa, Getxo, Berango, Sopela, Urduliz, Barrika, Plentzia eta Gorliz. Lemoiz eta Bakiotik igarota, Bermeora helduko dira Gaztelugatxeko San Joanen paretik igaro ondoren. Bermeotik Mundaka, Sukarrieta, Busturia, Murueta eta Forura joango dira. Gernikan sartu eta handik Arratzu, Kortezubi, Gautegiz-Arteaga, …

Adin txikikoen Babeserako eta Sexu Gehiegikerien Prebenzinorako Bilboko Eleizbarrutiko Batzordeak kurtsoko azken batzarra ospatu dau gaur. Derioko 'Seminarioa' eraikinean ospatu daben kurtsoko azken batzarraren aurretik, taldekideek ekitaldi xumea ospatu dabe joan dan martxoaren 24an Santiago katedralean egin zan otoitzaldian aurkeztutako olibondoa landatuko dan lekuan. Biblian oso esanguratsua dan zuhaitza Gernikako haritzaren kimuaren ondoan landatuko da, Derioko 'Seminarioa' eraikinaren parean, Carlos Olabarri Batzordeko zuzendariak batzordeko gainerako kideen aurrean goizean ospatu dan …

Egun berezia ospatu eben atzo Lekeition eta kostaldeko hainbat herritan, arrantzaleen zaindariari otoitz eginez. Lea-Artibaiko herrian, arrantzaleen zaindariaren omenezko jaia goizeko zazpietan hasten da. Ordu horretan "dei eittekua' deitutakoak egiten dabez, antxina arrantzaleak esnatzeko esaten ebena gogora ekarriz: "Gora Jainkoaren izenean". Goizeko 10:30etan Meza Nagusia ospatu zan Oihana Exabek zuzendutako abesbatzak girotuta. Santuagaz prozesinoa egin eta 'kilin-kalakoa' egin eben. Jose Agustin Maiz parrokoak, itsasoan hildako arrantzale guztien eta Mediterraneoko itsasoan hil diran …

Euskal Eleizbarrutietako MIsinoen 75. urteurrena ospatzen dala-eta, On Joseba Segura Bilboko gotzain eta Euskal Eleizbarrutietako Misinoetarako ordezkariak Kongoko Errepublika Demokratikoa bisitatzen dihardu, Iñigo Iriarte misiolaria bidelagun dauala. Iriartek azaldu dauanez, bisitaldiaren arrazoi nagusia Xabier Goikuria, Katangan (Kongoko ED) jarraitzen dauan misiolari bakarragaz buruz buru egotea izan bada be, ezinbestekoa zan Mufungara joatea, Eleizbarrutiko hainbat parrokia eta lagunek herri honi laguntzen dihardualako. 

Udaldiaren hasiera bizi-bizia izaten ari da, izan be, makina bat jarduera antolatu da egun honeetarako. Kanpamentu eta lan-esparruak dira gehienak eta eurotan gazte eta gaztetxoak dira protagonista. Esate baterako, Bilboko San Fernando, San Bizente eta Xabierko San Frantzisko parrokietako 55 neska-mutilek eta 14 begiralek Poza de la Salen egin daben kanpamentuan parte hartu dabe aste honetan.

Bilboko Eleizbarrutiak Markinan emongo deutso hasiera 2023-24 kurtsoari datorren irailaren 30ean. Biharamunean, urriaren 1ean, Caritasen eta parrokia alkarteen aldeko baterako diru-batzea egingo da. Gaur aurkezten da jentaurrean kurtsoaren hasiera iragarten dauan eta udazkenetik aurrera Egitasmoari lotutako irudi lez erabiliko dan kartela. Eleizbarrutiko Pastoral Kontseiluaren azken batzarrean onartu zanez, Eleizbarrutiaren bide-orriaren barruan garatu daitezan ekintzek ikuspuntu jakin bat izango dabe alkarteetan: abegia eta barne hartzea. Bizkaiko eleiz errealitate bakotxak bere …

Irailetik aurrera, hainbat abadek, diakonok eta ordaindutako pastoral mandatua daben laikok izendapen eta kargu barria izango dau. Gotzain Kontseiluak dagokien alkarteei jakitera emon ondoren, komunikabideetarako sailak horreen barri emoten dau jentaurrean:

Atzo ospatu zan Madrilen pertsonen salerosketaren inguruko Eleizbarrutietako sailetako koordinatzaileen batzarra. Gizarte Pastoraltza eta Giza Sustapenerako Gotzainen Batzarreko Batzordeak antolatutako ekitaldia zan eta Marije Calvo Karidade eta Zuzentasunerako Ordezkaritzako migrazinoetarako saileko arduraduna izan zan Bilboko Eleizbarrutiko ordezkaria. 

Datorren domekan hasiko da Garbealde Pastoral Barrutiak (PB) antolatutako "Eraztunen Jauna" kanpamentua. Kanpamentu honegaz bat egingo dabe, gainera, Mena Bailarako parrokietako gazteek, uztailaren 2tik 9ra Liebanako Bidea "euren erara" egiteko. Hamar eta hamabost urte bitarteko (LHko 4. maila-DBHko 2. maila) neska-mutikoentzat da eta "Liebanako bidea, Barri Onaren lekuko"  goiburuaren haritik igaroko dabez egun horreek.