Barriak

Barikuz, laster Gasteizko Abade-etxera bizitzera joango dan Antonio Madinabeitiari agur egin eutsen Urkiolan. Gainera, uztailaren 3tik 8ra, 'Elaiak' eta 'IzarBerri' gazteen Uribe Kostako talde biek udako kanpamentuaz gozatu eben. Itzuleran esan ebenez, "esperientzia ederra bizi izan dogu". 9 eta 16 urte bitarteko 31 neska-mutilek Urtuellako Triano auzoan dagoan Argintza etxean igaro dabez egun horreek. Eta uztailaren 3tik 9ra, San Fausto PBko Basauriko 'Kumeak' taldekideak kanpamentuan izan dira Anuntzetan (Araba). Guztira, 60 gaztetxo inguruk eta begiraleek parte hartu dabe esperientzian.

Gaur, San Kristobal egunez, Bizkaiko 'mendi punta' batean, ia Oiz mendiaren tontorrean, meza ospatuko da. Eukaristia 11:30etan ospatuko da, Munitibarko lursailetan dagoan ermita horretan. Portugalete, Derio eta Erandio-Goikoan be izango dira gidarien zaindariaren omenezko ekitaldiak.

Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org

Arratia bailarako Zeanuri herrian egitasmo aitzindaria jarri dabe martxan. Parrokiak, auzotarrek eta Nafarroako Unibertsitateko Arkitektura-fakultateak bat egin dabe ondare erlijiosoa zaharbarritzeko. Kasu honetan, herriko hainbat ermita konponduko dabe. Arkitekturako hamabost ikaslek lau ermiten -San Isidro, San Justo, Pietatea, Altzustako San Migel- neurketak eta planoak egin dabez. Egitasmoaren lehenengo aldia amaitu ondoren, lekuan lekuko zaharbarritzeei ekin behar deutse. Angel Larrea institutuko irakasleari bururatu jakon, besteak beste, ideia hau eta bere esanetan, "aukera ona da, …

Uztailean eta abuztuan, lau abade filipinarrek Eleizbarrutiko pastoralgintzan lagunduko dabe. Holan, Eleizbarrutiko abadeek oporrak hartzeko aukera izango dabe eta zerbitzuak eskaini egingo dira. Atzo, laurak alkartu ziran Bilbon: Emmanuel eta Ryanek II. bikaritzan jardungo dabe, Nicok IV. bikaritzan eta Fryanek VI. bikaritzan.

Uztailaren 4, 5 eta 6an, Migratzaileen aldeko Jesuiten Zerbitzuak, Ellacuria Fundazinoaren laguntzagaz, antolatuta, "bizikidetzaren pedagogia" ikastaroa ospatu dau BIlbon. Gizarte anitz eta konprometituaren eraikuntzagaz konprometitutako hainbat lurraldetako hogeta bost lagunek parte hartu dabe berbaldietan eta bisitaldietan.

Uztailaren hasieran makina bat lagun joan da kolonia edo kanpamentuetara. Hilaren amaierarako, 2.500 lagun baino gehiago izango dira han edo hemen antolatu diran kanpamentuetan.

Kongoko Errepublika Demokratikotik itzuli barri, On Joseba Segura gotzaina, sasoi baten ala bestean, afrikar herrialdean egondakoa dan hainbat misiolarigaz batu zan atzo. Gotzainak berak zein "Mufungaren Adiskideak" eta "Goikuria" fundazinoetan laguntzen dauan eta bidaian gotzainaren bidelagun izan dan Iñigo Iriartek bizi izan daben esperienziaren barri emon eutsen. Feli Martin Misinoetarako Eleizbarrutiko ordezkariak, bere aldetik, Euskal Eleizbarrutietako Misinoen 75. urteurrenaren barruan kokatu eban bidaia: "hausnarketa egin behar dogu, eratzen dihardugun Eleiza honeekaz historia …

Erandioko San Lorentzo eta San Agustin Pastoral Barrutiko (PB) Ekintza Katolikoak antolatuta, 56 neska-mutilek, 10 begiralek eta 6 pertsona helduk Burgoseko Santibañez de Zarzagudan ospatu diran kolonietan parte hartu dabe. Laguntzaile lanetan aritu dan Pepelu Iglesias abadeak amaieran azaldu dauanez, "Julio Verneren 'Munduari bira 80 egunetan' liburuak eta gizarte sareek gidatuta, gozatu egin dogu aurpegia jarriz, hartu-emona landuz eta korapilatuz, geure buruari galderak egiteko, gauzak zalantzan jarteko, beste batzukaz batera gauza barriak ikasteko, otoitz egiteko eta ospatzeko...".

Astegunez ospatu zan atzo Elorrion Berriotxoako San Balendinen jai liturgikoa. Halanda be, Elorrioko kristau alkarteak era berezian ospatu eban eguna. Agur esan eutsen Filipinetara urte birako misiolari doan Jaione Lopezi. On Joseba Segura gotzainak, homilian, Kongoko Errepublika Demokratikoan bizi barri dauan esperientzia aitatu eban: "Han, Eleiza gaztea aurkitu dot, poz-pozik dagoan Eleiza, fedea, kantu eta dantza adierazgarri eta alaien bidez ospatzen dauan Eleiza. Benetan, arazoak asko dira eta beharrizanak, itzelak. Gatxa egiten jaku protagonista barrien hainbat jokaera era jarrera …