Barriak

Datorren zapatuz, martxoak 25, kontzertua ospatuko da Algorta-Neguriko Loiolako San Inazio parrokian, 20:15etan, lanbideratzerako enpresa martxan jartearen alde. Aitor Uribelarrea parrokoak jakitera emon dauanez, ekitaldi hau parrokiak berak antolatu dau, hainbat eleiztarren proposamenarei erantzunez.

Amaya Modregok amaiera emon eutsen atzo -martitzena, Ermuan, Garizuma-aldi honetan izan diran berbaldiei. Berrizko Mesedetako MIsiolariak partaideei lagundu egin eutsen "Garizumaren ikuspuntutik euren burua kokatzen (4. erronka, alkartea)". Estibaliz Duran Fede-zabalkunde eta Katekesirako Oiz-Anboto Pastoral Barrutiko (PB) arduradunaren esanetan, "zaintzan maisu zan Jesusek Jainkoarentzat zein baliotsuak garan gogoratzen deusku eta alkartearen altxorrari esker, bere laguntzari esker, anai-arreba sentitzen gara eta alkarregaz Jesusegaz bat egitera goaz".

Martxoaren 17an batu zan, Bilboko Udalak deituta, Erlejino arteko Mahaia. Bederatzi erlejinotako ordezkariak batzen dira alkarrizketarako eremu honetan, eta Joan Mari Aburto Bilboko alkatea eta Itziar Urtasun Lankidetza, bizikidetza eta Jaietarako zinegotzia bertan zirala ospatu zan azken batzarra. Aniztasun eta Bizikidetza Fundazinoaren eskutik, Aniztasun Erlijiosoaren Udal Kudeaketarako Gutunaren inguruko ekintza-plana aztertu eben. 

Gure Eleizbarrutian, 10 eta 18 urte bitarteko gaztetxo eta gazteen topaketei deitzen jake "BIKA EGUNA". Domekan ospatuko da III-VII bikaritzetako (Bilbao) 'Bika eguna'. Antolatzaileen esanetan, "ospatzeko eta jostatzeko eguna da; Bilboko hainbat lekutako gazteak batuko dira eta askotariko jarduerak egingo dabez alkarregaz".

Santiago katedralean, 20:00etan.

Datorren barikuz, martxoak 24, otoitzaldia ospatuko da Bilboko katedralean, gotzaina buru dala eta abusuen biktima bat ospatzaile. Adin Txikikoen Babeserako Batzordeagaz hartu-emona izan daben biktimei eta Eleizbarrutiko eleiztarrei dei egin jake arratsaldeko seietan hasiko dan eleizkizunean parte hartu daien.

Espainiako Eleizako Liburuzainen Alkarteak (EELA) -www.abie.es-  "Liburutegien aukera eta erronkak XXI. gizaldian" XV. Jardunaldi teknikoak ospatu ditu Bartzelonan, Bartzelonako Gotzain Liburutegi Publikoak eta Kontzilio-seminarioaren harreragaz. Mons. Juan Jose Omella Bartzelonako kardinal artzapezpiku eta Ezpainiako Gotzainen Batzarreko (EGB) presidenteak emon eutsen hasiera jardunaldiei. Bilboko Eleizbarrutitik, Jaime Lopez Eguilazek "BETH, europar esperientzia ekumenikoa Eleizaren liburutegien eremutik" gaiaren inguruan jardun eban.

2023ko Bilboko Aste Santuko pregoia irakurriko da gaur arratsaldeko 20:00etan Santiago katedralean. Bilboko Kofradien Ermandadeko presidente aukeratu barri daben Luis Olaortua Setien izango da urtengo pregoilaria. Web orrialde honen bidez zuzenean emongo dan ekitaldian, On Joseba Segura gotzaina izango da buru eta aurton bere 75. urteurrena ospatzen diharduan Santiago Apostoluaren Kofradiako korneta eta danborren bandak girotuko dau. 

"¡MEJOR con Jesús!/Jesusegaz HOBE!" goibubuaren haritik, 400 gazte inguru batu zan zapatuz Gernikan.

Asteburuan, 'Effeta' gazteen erretiroaren VIII. ekitaldia ospatu da Zornotzan. Eta Gernikan, gotzaina buru izan zan klaratar monjen alkartearen agurreko Eukaristian. Berrizen, bestalde, hainbat senar-emaztek ezkontzako agintzariak barritu ebezan.