Barriak

"Munduagaz konprometituta. Bakegile eta senidetasun-ehule" goiburuaren haritik ospatu ditu uda honetan Espainiako Teresiar Erakundearen ACIT Federazinoak "Bizitza ondu" XIX. jardunaldiak Karrantzako Pallotti Bainuetxean. Arduradunen esanetan, zuzendari nagusiak erakundeko kideei bialdutako gutunean egiten eutsen deialditik sortu zan goiburua: "Teresiar Erakundearen pontifize onespenaren mendeurrena ospatzen dan urte berezi honetan, gure karismaren sustraietara bueltatu".

Irailaren 15ean, Juan Reyero, Gorka Campos eta Marco Antonio Muñoz Eleizbarrutiko abadegaiak abade egingo dira. On Joseba Segura Eleizbarrutiko gotzaina buru dala ospatuko dan eleizkizuna Santiago katedralean izango da 18:00etan eta zuzenean emongo da web honen bidez. 

Azkenaldian iragarri izan dogunez, 75 urte beteko dituan gure Eleizbarrutirako berezia izango dan kurtsoari hasiera emongo deutsagu. Datozan hilabeteetan Eleizbarrutiaren 75 urteon oroitzapenezko ekitaldiak ospatuko dira. Lehenengoa, irailaren 28an izango da: 'Goazen 2024!', bertan hasiera ofiziala emongo jakolarik pastoral ekiturte honi, hain zuzen be Eleizbarrutiko lekurik esanguratsuenetako baten, Derioko Seminarioko kaperan. Izena emoteko orria: hemen (azken eguna, irailaren 20a). GEhiago jakiteko: hemen.

2024/2025 kurtsoan Bilboko Eleizbarrutiaren 75. urteurrena ospatuko dogu eta logo barria agertuko da argitalpen guztietan. Orain dala aste batzuk hasita, apurka-apurka logo barria agirietan sartzen joan dira eta kurtso barriari hasiera emoten deutsan irailaren 1etik aurrera, era ofizialean erabiliko da agiri eta jakinarazpen guztietan. 

Bihar, irailak 1, hasiko da Kreazinoaren Aroa 2024, Kreazinoaren Zaintzaren aldeko Munduko Otoitz Egunagaz, eta urriaren 4an, Asisko San Frantzisko ekologiaren zaindariaren egunez amaituko da. Aukeratu dan goiburuak, Itxaropena emon eta kreazinoagaz batera jardun, San Paulok Erromako kristauei idatzitako gutuna (Erm 8, 19-25) aitatzen dau. Bertan, kristau itxaropena argitu eta bere esanahi sakonaren barri emoten da. Frantzisko aita santuak mezua idatzi dau egun honetarako eta Gotzainen Batzarreko gotzainek bat egin dabe ekitaldi horregaz Karidade eta Gizarte Ekintzarako Gotzainen Batzarreko …

Abuztuaren amaierara helduta, Bilboko Eleizbarrutian eskaintzen dan Arreta Erlijioso eta Espiritualerako Zerbitzutik (AEEZ) zera gogoratu gura dabe: era ofizialean datorren irailaren 22an amaituko dan ufaldi osoan eta datorren kurtsoan zerbitzu hau guardiako dala Bizkaiko ospitaleetan, urteko egun guztietan. Ondo prestatutako talde arduratsuak ditu Basurtu, Gurutzeta, Galdakao, Gorliz, Urduliz, Santa Marina eta San Eloin.

Balmasedak Pedro Asua eta Mendia bertako semearen jai kanonikoa ospatuko dau gaur. 1936an, gaurko egunez, atxilotu eta hil egin eben. Bere gorpuzkiak Vitoria-Gasteizko seminarioko kaperara eroan ebezan 1856an. Bera dohatsu autortzeko prozesua 1964.eko maiatzaren 14an hasi eta 2014.eko urtarrilaren 27an amaitu zan, Frantzisko aita santuak martiritza jasateagaitik dohatsu autortzeko agindua sinatu ebanean. Arkitekto entzutetsua izan zan eta Bizkaian, Gasteizen eta Madrilen hainbat eraikin jaso zan bere zuzendaritzapean. Hamabi urtez abade lez jardun eban bere jaioterrian eta hemen gogoratuko …

Gaur, San Joan Lepogabetuaren eguna, mezak ospatuko dira Gaztelugatxeko San Joan ermitan. Nazinoartean ondo ezaguna dan hatxean kokatutako ermita honetan, urteko egun jakin batzuetan batzen dira eleiztarrak. Abuztuaren 29an ospatzen da bertako jai liturgikoetako bat. Hamaiketan eta hamabietan ospatuko dira mezak. Beste alde batetik, bihartik irailaren 8ra arte, Bermeoko Almikeko Andra Mari (1236) eleizan, Bizkaiko Jaurerrian sortu zan lehenengo parrokian, bederatziurrena ospatuko da. 

Gaur, San Agustin eguna, Begoñako Santa Monika komentuko monja agustindarrek Eukaristia berezia ospatuko dabe. Zazpietan izango da eta gura daben eleiztar guztiek ateak zabalik izango dabez Edwina eta Janeth nobiziek, 2022ko abuztuan komentuan sartu ziranek, abitu agustindarra jasoko daben eleizkizunean parte hatu daien. 2021etik komentuko nagusia dan Jane Severinek azaldu cauanez, "guztira 12 gara. Oraintsu sartu dira koentuak Tanzaniatik heldutako beste hiru monjagai". Atzo, Eleizbarruti osora banatzen diran formak egiten dabezan monjek familiartean ospatu eben Santa Monika eguna. …

Erandioko San Agustin parrokiak bihar ospatuko dau bere zaindariaren eguna. Eguerdiko 12:00etan ospatuko dan Eukaristian gogoan izango dabez hil barri diran Carlos Pablo Martin anai marista eta Juan Mari Lechosa abadea. Jose Luis Iglesias Meilan parrokoaren esanetan, "esker onez oroitu gura doguz biziera erlijiosoko fraile bokazinoak eta Eleizbarrutiko langile eremuko abade bokazinoak". Era berean, alkarteak aurpegia jarri deutse errealidade barriei Argentinan boluntario lanetan ari dan Olatz Neira Caritas BIzkaia erakundeko langilearen lekukotasunaren bidez.