Barriak
Etiquetado como:
Jaunaren jaiotzaren eguneko Eukaristia katedraletik, On Joseba Segura gotzaina buru dala
On Joseba Segura Bilboko gotzaina buru dala Santiago katedralean eguerdiko hamabietan ospatuko dan Jaunaren jaiotzaren eguneko Eukaristiaren zuzeneko emonaldia.
2024ko azken 'Astekoak'
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
Kontzertu solidarioak Iralako San Antonio koralaren eskutik
Abenduaren 26an beteko dira 25 urte Iralabarriko San Antonio koralak lehenengo kontzertua emon ebanetik eta hori ospatzeko Gabonetako emonaldia eskainiko dabe bihar -abenduak 23, zapatuz- TAU fundazinoaren alde (genero-indarkeriaren biktima diran emakumeen harrera-etxea), CIPEMegaz batera, Iralako frantziskotarren parrokian, 20:00etan.
Gotzainaren Gabonetako zorion-agurra
On Joseba Segura Bilboko gotzainak, Bilboko Eleizbarrutiko Seminarioan grabatutako Gabonetako zorion-agurrean, gogoan ditu Lurralde Santuko eta munduko beste hainbat lekutako biktima errugabeak. Joan dan domekaz Bilboko San Bizente parrokiara Belengo Bakearen Argia jasotzera joan ziran gazte batzukaz batera, gotzainak Gabonetako zorion-agurra zabaldu dau, "egunotan guregana helduko dan" Bakearen Argi horrek "gure artean argi egin" daiala eskatuz.
Otoitzak Gabonetan mahaia bedeinkatzeko
Fede-zabalkunde eta Katekesirako Eleizbarrutiko Ordezkaritzako ume eta gazteen sailak otoitzak prestatu ditu Gabonetan, hain zuzen be, Gabon gaueko afarian, Jaunaren jaiotzaren eguneko bazkarian, Gabon zahar gaueko afarian eta Urte barriko bazkarian, mahaia bedeinkatzeko.
Gabonetako ospakizuna Errekarte Pastoral Barrutian
Aste honetan, Gabonetako ospakizunak izan dabez Errekarte Pastoral Barrutian (PB). Gymkana egin dabe, astelehenenz, Zorrotzan, martizenez, Retuerton eta eguaztenez, Gurutzetan.
Kontzertua eta berbaldia Greccioko San Frantzisko jaiotzaren 800. urteurrenean
Gaur arratsaldeko zazpietan,Jose Mª Arregi frantziskotarrak berbaldia emongo dau Paduko San Antonio eleizan (AA. Frantziskotarrak), orain dala 800 urte Asisko San Frantziskok Greccion lehenengo jaiotza jarri ebala oroitzeko. Gertaera beraren haritik, bihar -abenduak 22, barikua-, Jatorki abesbatzak Gabonetako emonaldia -ongintzazko kontzertua- eskainiko dau Atxuriko Gizakundea eleizan, erretinan distrofiak edo ikusmen urria edo itsutasuna eragiten dabezan gaixotasunak daukiezanei laguntzea eta bizi-kalitatea hobetzea helburutzat daukan Asociación Retina Bizkaia Begisare alkartearen alde.
Gotzainaren bisita abade-etxeetara abade nagusiengana
On Joseba Segura Bilboko gotzaina San Bizente abade-etxera joango da bihar -eguena- eta Erruki-etxera etzi -barikua-, bertan bizi diran abade nagusiei bisita egin eta eurakaz egoteko eta bazkaltzeko.
Bilboko gotzainaren alkarrizketaren azpimarrak
Dani Alvarez eta Mikel Reparaz kazetariek On Joseba Segura gotzainari egin eutsen alkarrizketak 200 lagun inguru batu ebazan eta ez eban inor epel itzi. Ordubete eta erdi inguru egon ziran solasean eta, azkenean, jenteak galderak egin ebazan. On Joseba Segurak askatasunez erantzun eutsan hainbat konturi, esate baterako, atzo bertan argitaratu zan bikote "araugabeen" bedeinkapenari buruzko doktrina-adierazpenari. Alkarrizketan, behin eta barriro agertzen dan hainbat gairi buruz jardun eban, esate baterako, emakumeak Eleizan dauan egitekoari edo gehiegikeriei buruz. Azken puntu honetan, …