Barriak

Atzo, gaur ospatzen dan Boluntarioen Nazinoarteko Egunaren bezperan, BizkaiaGara sarien lehenengo ekitaldia ospatu zan Bilboko BBK aretoan. Ekitaldian, "borondatezko ekintzaren eta gizarte partaidetzarako beste hainbat eraren bidez herritarrek erakusten daben konpromisoa" autortu eta agertzea emon gura izan zan. Sarituen artean, egitasmoa kategorian, Norai alkartearen "Etorkizuna musikatan" ekimena, barritzaile izateagaitik eta gizarteari musikaren bidez ekarpena egiteagaitik. 

Joan dan zapatuz, abenduak 2, Ahalmen-urritasunen bat daben Pertsonen Nazinoarteko Egunez, Eukaristia ospatu zan Santiago katedralean, Kerman Lopez bikario nagusia buru zala. Egun berean gogoratu zan Euskeraren Eguna be, hainbat jardueraren bidez. Gainera, zapatuz, Gernikaldea Pastoral Barrutiak bere 10. urteurrena osptu eban, HOAC Bizkaia mobimentuko militanteek Abendualdiko erretiroa egin eben eta San Fausto Pastoral Barrutiak batzar nagusia ospatu eban Caritasen Iturbegi zentroan. Beste alde batetik, Bihar -abenduak 5, martitzena- amaituko da Gotzainak Garbealdera (Balmaseda eta Zalla) …

Jaiotzazaleen Bizkaiko Alkarteak Gabon-aldiko jarduerak martxan jarri ditu. 2023ko Gabon-aldiko kanpainan -LVX. ekitaldia-, azaldu dabenez, "San Frantzisko gure zaindariak Greccion jarri eban lehenengo jaiotzaren 800. urteurrena ospatzeaz batera, gure alkartearen 65. urteurrena ospatuko dogu".

Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org

Kerman Lopez bikario nagusia izango da buru ahalmen-urritasunen bat daben pertsonak gogoratzeko eguneko Eukaristian eta Sergio Buiza I. bikaritzako gotzain bikario eta arlo honetako arduradunak alkar-meza emongo dau. Eleizkizuna 19:00etan hasiko da eta zuzenean emongo da web honetatik.

Ahalmen-urritasunerako Eleizbarrutiko Mahaiak Eukaristia antolatu dau, gaur, abenduak 2, Xabierko San Frantziskoren egunez, Ahalmen-urritasunen bat dabenak gogoratzeko ospatzen dan Nazinoarteko Eguna dala-eta. Meza zuzenean eskainiko a web honen bitartez eta Kerman Lopez bikario nagusia buru dala eta Sergio Buiza I. bikaritzako gotzain bikarioa eta sail honetako arduraduna alkar-meza emoten dala, 19:00etan, Santiago katedralean. 

Gaur emongo jako hasiera Begoñako Misino-azokaren ekitaldi barriari. Abenduaren 10era arte egongo da zabalik basilikako eleizpan, Begoñako Misinoetarako taldeak sustatuta, eta batu daiten dirua misinoetara bialduko da. Hauxe da ordutegia: 11:00etatik 13:30etara eta 17:00etatik 19:30etara. Abenduaren 10ean, azken egunez, goizez bakarrik. 

Bihar, abenduak 3, Abendualdia, Gabonen aurreko liturgia aldia, hasiko da. Liturgiarako Bilboko Eleizbarrutiko Ordezkaritzatik beren-beregi sasoi honetarako prestatutako lagungarriak eskaini dira, Jesusen etorrerarako prestatzeko Bibliako pasarteak jasoz. Datozan 4 domeketarako otoitz eta gogoetarako proposamen honetan, Bilboko Koral Alkarteak kantatutako abestiak be eskaintzen dira. Honako honegaz batera, Ebanjelizatzearen Eleizbarrutiko Egitasmoaren sustapenerako taldeak aurkeztu dauan proposamena eta Caritas Bizkaia erakundeak aurkeztu dauana erabili daitekez. "Inguruko beharrizanez …

Atzo banatu ziran BIlboko BBK aretoan Menchaca de la Bodega Fundazinoak alkartasunari emoten deutsezan sariak. Aurton, aitamen berezia egin jake Euskal Eleizbarrutietako Misinoei 75 urteko ibilbidean egindako lanagaitik. Ekitaldian parte hartu eben hiru Eleizbarrutietako Ordezkaritzen izenean, Feli Martin Bilboko Ordezkaritzako zuzendariak jaso eban saria. 

Atzo -azaroak 30, eguena-, San Andres egunez, Arangoitiko San Andres parrokiak Urrezko Ezteguak ospatu ebazan, 19:00etan Eukaristia ospatuz.