Barriak

Eleizbarrutiko Teologia eta Pastoraltza Institutuak antolatutako saioan, etzi  -eguena (Barrian, 18:30tan), Eloy Bueno de la Fuente Burgoseko artxidiozesiko abadeak eta Jesus Martinez Gordo Bilboko Eleizbarrutiko abadeak "Sinodoaren ondorioak: irakurketa lekuko Eleizatik" gaiaren inguruan jardungo dabe. 

Joan dan barikuz, martxoak 7,"Martxoak8mujeres" autorpenaren VII. ekitaldia ospatu zan Indautxuko Karmeneko Ama parrokiako areto nagusian. Bilboko eleizbarrutiak, bere sorreraren 75. urteurrena ospatzen dan urtean, ondorengo emakumeei egin eutsen autorpena beste askoren izenean: Consuelo Puente, Daniela Areli Arriaga Martinez, Txaro Dañobeitia, Ana Zugaza, Isa Matilla, Loli Asua, Mari Carmen Hernandez eta Goyi Rivera. Ekitaldia osorik: hemen. Argazkiak (Alberto Sanz): hemen.

“La Misión: compromiso y esperanza”/“Misinoa: eginbide eta itxaropena”, goiburuaren haritik ospatuko da domekaz, martxoak 16, Euskal Eleizbarrutietako Misinoen kanpaina. Gehiago jakiteko eta lagungarriak eskuratzeko: hemen.

Indautxuko Karmeneko Ama parokiako areto nagusian ospatu da gaur  "Martxoak8Mujeres" autorpenaren VII. ekitaldia, eleizbarrutiko 8 emakume protagonista zirala beste askoren izenean. On Joseba Segura Bilboko gotzaina izan da buru saioan eta 8 arlo desbardinetako 8 emakumeri autorpena emon jake. Web honetan, zuzeneko emonaldia eskaini da. 

Gaur -barikua- Indautxuko Karmeneko Ama parrokiako areto nagusian 12:30etan ospatuko dan "Martxoak8Mujeres" ekitaldiaren zuzeneko emonaldia. On Joseba Segura Bilboko gotzaina buru izango da 8 arlotan konprometitutako 8 emakumeri autorpena egingo jaken ekitaldian.

Gaur -martxoak 7, barikua- Emakume Langilearen Nazinoarteko Egunez, Bilboko eleizbarrutiak "martxoak8mujeres" ekitaldiaren VII. ekitaldia ospatuko dau. Autton, eleizbarrutiaren sorreraren 75. urteurrena dala-eta, ekitaldi berezia izango da. Hainbat bizigiro eta erantzukizunetan, historian zehar, alkarteetako emakumeek izan daben konpromisoa eskertuko da. On Joseba Segura gotzaina izango da buru 12:30etan Indautxuko Karmeneko Ama parrokiako areto natusian ospatuko dan eta web honen bidez zuzenean emongo dan ekitaldia.

Ekuadorren irakasle eta misiolari dan Isa Matillak "Martxoan8mujeres" autorpena jasoko dau lurraldeko misinoetan heziketaren arloan munduaren aldaketari egindako ekarpenagaitik. Matilla ez da ekitaldian izango, Ekuadorren dago-eta, baina gogoan izango dabe Indautxuko Karmeneko Ama parrokiako areto nagusian bihar -barikua- 12:30etaik aurrera egingo dan ospakizunean.

Gaur, Hauts-eguna, arratsaldeko zazpietan hasiko da, On Joseba Segura Bilboko gotzaina buru dala, Santiago katedralean ospatuko dan eta Garizumari hasiera emongo deutsan Eukaristia. Eleizkizuna, zuzenean jarraitu ahal izango da web honen bidez. 

Loli Asuak jasoko dau, besteak beste, "Martxoak8mujeres" autorpena barikus ospatuo dan ekitaldian. Berezitasun lez, berak aurton, eleizbarrutiak beste urte beteten dituala esan geinke, hau da, 75 urte. Loli Asua Euskal Herriko Unibertsitateko irakasle, Eleizbarrutiko Patoral kontseiluko kide eta Fede eta Justizia komunitateari lotutako emakumeak heziketaren arloan konprometitutako emakumeak ordezkatuko ditu. 

Aitor Esteban, Judith Pereda, Alberto Minguez, Esti Duran eta Consuelo Pillajok Barrian ospatu zan misino-esperientzien mahaian parte hartu eben atzo, Euskal eleizbarrutietako misinoen kanpainaren barruan. Gaur egun Bilbon dagoan Txarli Azkona misiolari kaputxinoak be emon eban bere lekukotasuna. Mertxe Agirre Misinoetarako ordezkaritzako kideak ondo etorria egin eutsen bertaratutakoei eta Manuel Heredia eleizbarrutiko ordezkari barria, saioa sustatzeaz arduratu zana, aurkeztu eban.