Barriak
Etiquetado como: Komunikazinoa
Jose Antonio Lopez Zugarramurdi abadea, "gizon adeitsu eta eskuzabala" hil da
Atzo hil zan Bilbon, 81 urteko zala, Jose Antonio Lopez Zugarramurdi Eleizbarrutiko abadea. Bere arimaren aldeko hileta-eleizkizuna astelehenez, azaroak 20, ospatuko da 19:00etan, Begoñako basilikan.
Multimedia proposamena Gabonak prestatzeko
Aurreko urtean lez,Ebanjelizatzearen Eleizbarrutiko VI. Egitasmoaren sustapenaz arduratzen dan taldeak hainbat alderdi lantzeko eta hausnartzeko proposamena prestatu dau. Kasu honetan, Gabonak prestatzeko lagungarriak zuhaitzean eta gure kulturan dauan sinbologian oinarritzen dira: "basotik ekarten zan eta su barrirako biztu". Lau adar dituan zuhaitzaren irudiaz baliatuz, lau kontzeptu lantzea da proposamena: entzutea, abegia, hurkotasuna eta zerbitzua. Zuhaitzak lez, astean zazpi egunez, 24 orduz, jarrera abegitsua agertzera bultzatzea da asmoa. Alkartean, "basoa bagina lez" jardutearen …
Arratian, kanpaiak joko dabez pobreen alde
Frantzisko Aita Santuak azaroaren 19rako -domeka- deitu dauan Pobreen Munduko Eguna dala-eta, Bizkaiko Caritasek bat egin dau zapatuz Errekalden ospatuko dan Eleizbarrutiko ekitaldiagaz. Baina ez da egun horretako hitzordu bakarra, izan be, Arratian Caritasetik laguntzen daben pertsonek beste batzuetan be burutu daben jarduera egingo dabe, jente ugari batzeko itxaropenagaz. Azaroaren 18an bertan, Algortako Berreroslea parrokiaren 50. urteurrenari lotuta, Jesus Llarena Liturgiarako Eleizbarrutiko ordezkariak berbaldi-tailerra eskainiko dau: "Eleizako arkitektura, Kristogaz eta hurkoagaz bat …
Eleiz Museoak "Sorolla eta erlikiak" erakusketa zabaldu dau
Gaur eguerdiz,2024.eko urtarrilaren 31ra arte iraungo dauan "Sorolla eta erlikiak" erakusketa zabaldu da Bilboko Eleiz Museoan. On Joseba Segura Bilboko Gotzainak, Miguel Zugaza Bilboko Arte Ederren Museoko zuzendariak, Juan Manuel Gonzalez Cembellin Eleiz Museoko zuzendari teknikoak eta Javier Novo kontserbazino eta ikerketarako Bilboko Arte Ederren Museoko koordinatzaileak parte hartu dabe. Cembellin eta Novok bisita gidatu zehatza eskaini dabe besteak beste, Bizkaiko Eleizaren Historia Artxiboak eta Eleizbarrutiko Liburutegiak itzitako fondoez osatu dan erakusketan.
Barakaldon, 20 kontzertutik gora Santa Zezilia egunaren inguruan
Gaurtik azaroaren 26ra arte, Barakaldoko udalak, koralen, abesbatzen, udal banden eta herriko musika-taldeen laguntzagaz, hainbat jarduera antolatu dau Santa Zezilia musikarien zaindariaren eguna -azaroak 22- ospatzeko.
Parte hartu gura dozu parrokietan datuen babesa kudeatzeari buruzko heziketan?
Azaroaren 26an, 10:00etatik 13:era, Bizkaiko parrokietan datuen babesa kudeatzeari buruzko auditoretza eta heziketarako saioa ospatuko da Barria eraikineko lokaletan (Plaza Barria, 4. 1. solairua).Parrokietan datuen tratamentuaz arduratzen diran eta askotariko arloetan (ekonomia, pastoraltza, katekesia...) datuak kudeatzen dabezan pertsonei zuzendutako jarduera da. Anabella Barroso datuen babeserako Bilboko Eleizbarrutiko ordezkariak aurkezpen teoriko laburra egingo dau, agiriak aurkeztuko ditu eta kasu praktikoak jarriko dira partaide guztien artean ebazteko.
Pobretasun, desbardintasun eta bazterketaren inguruko gogoeta eta alkarrizketa Bilbon
Gaur amaituko da datorren zapatuz, azaroak 18, Pobreen Munduko Egunaren bezperan, Errekaldeko Arrosarioko Ama parrokian ospatuko dan ekitaldian parte hartzeari begira izena emoteko epea. Orain arte, 160 lagun baino gehiagok emon dau izena 10:00etatik 13:00era egingo dan jardueran. Gotzaina eta Gotzain Kontseilua bertan dirala, Sebastian Morak fedeareb gizarte-karidade alderdiari buruzko hausnarketa eskainiko dau. Gure inguruan "errealidade sakon eta zabala" danaren inguruan jardungo dau, pobretasuna, desbardintasuna eta bazterketa mintzagai izango ditualarik. Honen haritik, hizlariaren …
Aba Taanoren emonaldi solidarioak Galdakaon eta Santurtzin
Aba Taano taldeak Santurtzi eta Galdakaon jardungo dau gospel musika eskainiz kontzertu solidario bitan, "Musika biziak salbatzeko" bere egitasmoaren barruan. Emonaldi horreetan batu daiten dirua Ugandako umezurtz-etxe baten kudeaketarako izango da. Azaroaren 18an, zapatuz, Galdakaoko Andra Mari eleizan jardungo dabe, 20:00etan, eta azaroaren 19an, domekaz, Santurtziko Gorka Deuna eleizan, 19:00etan. Sarrera doan izango da eta diru-laguntza eskatuko da egitasmoa aurrera atarateko.
Iñaki Garcinuño eta Iraia Iturregi, Begoñazpi ikastolaren 2023ko ‘Gazte Role Model' sariak
Gaur arratsaldez banatuko dira EBI Eleizbarrutiko ikastetxeen sarean dagoan Begoñazpi ikastolak urtero emoten dituan 'Gazte Role Model' sariak. Sari honek gizarte konpromisoa eta balio profesionalak autortzen ditu eta hamalaugarren ekitaldi honetan, Iraia Iturregi entrenatzaile eta futbolari ohiak eta Iñaki Garcinuño enpresari eta CEBEK Bizkaiko Enpresa-konfederakundeko presidente ohiak jasoko dabez hurrenez hurren. Nestor Basterretxea bizkaitar eskultoreak sortutako oroigarri bana jasoko dabe.
Ehunka lagun Bilbon, "Munduko jenteak" jaialdian
Asteburuan -azaroak 11 eta 12, zapatu eta domeka-, "Munduko jenteak" jaialdiaren XV. ekitaldia ospatu da Bilboko Areatzako nasan berta izan dalarik, besteak beste, Eleizbarrutiko kulturarteko taldeetako hainbat lagun.