Barriak
Etiquetado como: Heriotza-oharra
San Viator ikastetxeak SAAM heziketa-mobikortasunerako egitasmoaren balantzea egin dau
Gaur, Euskalduna jauregian eta 80 lagun ingururen aurrean, Eleizbarrutiko ikastetxeak batzen dituan EBI sarean dagoan Sopuertako San Viator ikastetxetik eta Zaragozako Mundus alkartetik koordinatutako SAAM (ingelesez, Afrikar Mobikortasunerako Ituna) egitasmo ereduaren inguruko ondorioak aurkeztu dabez. Europar Batasunaren diru-laguntza jasoten dauan egitasmo honen bidez aukera barriak eskaini gura jakez afrikar kontinenteko lanbide heziketako ikasleei.
Abesbatzen emonaldiak Portugaleten
Asteburuan, abesbatzen emonaldien bosgarren ekitaldia ospatuko da Portugaleteko Andra Mari basilikan. Herriko bederatzi musika-taldetako 200 abeslari inguruk jardungo dabe bihar -azaroak 10, barikua- eta etzidamu -azaroak 12, domeka- iluntzeko 20:00etan.
Gotzainak Oroimenaren Eguneko lore-eskaintzan parte hartuko dau
On Joseba Segura gotzaina buru izango dauan Eleizbarrutiko ordezkaritzak parte hartuko dau bihar, azaroak 10, terrorismoaren eta indarkeria politikoaren biktimen aldeko omenaldi eta oroipenerako BIlboko Udalak antolatu dauan ekitaldian. Oroimenaren Eguna dala-eta, lore-eskaintza egingo da bihar eguerdiz, Bilboko Doña Casilda parkeko pergolaren ondoan dagoen monolituaren inguruan. Ekitaldi ireki honetan, Joan Maria Aburto alkartea izango da buru eta Udalbatzak eta Bake eta Bizikidetzarako Foro Bilbao taldeko kideak izango dira bertan. Eskolapioen ikastetxeko eta Artxandape Eleizbarrutiko …
Otxarkoaga ikastegia, harrera eta inklusinoaren eredu
Datorren domekaz, azaroak 12, Eleizbarrutiaren Eguna ospatuko dogu, jai eta esker oneko eguna, "alkarregaz parrokia bizia Jesukristoren jarraitzaile sutsua dan eta besteen alde jarduten dauan parrokia egin geinkelako". On Joseba Segura Bilboko Eleizbarrutiko gotzainak egun honetarako idatzi dauan gutunaren hasieran, izenburua azaldu dau: "Fedeagaitik esker onez": "Bizkaian bide egiten diharduan Eleizak Eleizbarrutiaren aurtengo egunerako aukeratu dauan goiburuak esker ona adierazoten dau gure fedearen balio eta ekarriengaitik, giza bizitza ulertzeko dogun era argitzeaz batera, gure …
Alex Rayon eta Gaspar Martinez Adimen Artifizialari buruzko mintegian
"Adimen artifizialaren erronkak" goiburuaren haritik ospatuko da bihar -azaroak 8 eguaztena-, mintegia, Barandiaran Kristau Alkarteak antolatuta. Konputazino-zientzietan eta Teknologian doktore eta eraldaketa digital eta adimen artifizialean aditu dan Alex Rayonek eta ekonomilari, Chicagoko unibertsitatetik Teologian doktore eta erronka teknozientifikoetan eta euron erronka etikoetan aditu dan Gaspar Martinez eleizbarrutiko abadeak jardungo dabe hizlari lez.
Alkartezain barriak Meatze inguruko parokietan
Taldean egindako gogoetaren eta Eleizbarrutiko Teologia eta Pastoraltza Institutuaren (ETPI) eskutik burututako urte biko heziketaren ostean, zapatuz ospatu zan Meatze ingurua Pastoral Barrutiko parrokietarako 8 erreferenteren eta 17 bitartekoren bialketa. On Joseba Segura gotzaina izan zan buru eleizkizunean, Muskizeko San Joan Bateatzailea parrokian, PB 180 lagun bertan zirala.
Fabio Moreno umea gogoan izango dabe Erandio eta Astrabuduan
Karidade eta Zuzentasunerako Eleizbarrutiko Ordezkaritzaren barruan dagoan Bake eta Adiskidetzerako sailetik dei egiten dabe azaroaren 10ean ospatuko dan Oroimenaren Egunaren inguruan antolatu daitezan ekitaldietan parte hartzeko. Aitatutako sailetik, bakarka, taldean edo alkartean egin daiteken otoitzerako proposamena aurkeztu dabe: aquí. Gainera, Erandioko Astrabuduako San Lorentzo eta Alzagako San Agustin parrokietako bake eta adiskidetzerako taldeek lagungarriak prestatu dabez taldeetan lantzeko eta gaur iluntzeko 19:00etan Eukaristia ospatuko da San Agustin parrokian Fabio Moreno …
Jesus Umearen Teresa Doneari buruzko berbaldia Indautxuko Karmeneko Ama parrokian
Aita Santuaren Otoitzerako Munduko Sarea erakundetik Jesus Umearen Teresa Doneari, "gure sasoiko Santari" buruzko berbaldia antolatu dabe. Gaur iluntzeko 19:30etan izango da Indautxuko Karmeneko Ama parrokiako areto nagusian. Jesusen Umearen Teresa Donearen jaiotzaren 150. urteurrena dala-eta, argitaratu barri dan Frantzisko Aita Santuaren "C'est la confiance" gutun apostolikoaren haritik ospatuko da.
Astekoak, Eleizbarrutiko asteko barriak
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
"Bizkaiko hotsak" organo-jaialdia gaur, Markina-Xemeinen
Loreto Aramendi eta 'Sottovoce' laukotearen kontzertua ospatuko da gaur arratsaldez 19:30tan Markina-Xemeingo Andra Mari eleizako organoaren laguntzagaz. Haendelen organo eta hari-instrumentuetarako kontzertuez gainera, Bruhns, Tanaka eta Francken lanak eskainiko dabez besteak beste.