Barriak
Etiquetado como: Heriotza-oharra
Zertan darabil dirua Bilboko Eleizbarrutiak?
Ohikoa danez, Bilboko Eleizbarrutiak, Eleizbarrutiaren Egunaren bezperetan, 2022ko ekitaldiko oroitza-txostena aurkeztu dau. Azaroaren 12an ospatuko dan jardunaldia pozezko eta autorpenezko mezuaz dator: "Agradecidos por nuestra fe - Fedez eta pozez". Bilboko gotzainak, dagoeneko Bizkaiko alkarteetara bialdu dan informazinoaren aurkezpenean, dei egiten dau, "beren-beregi fededun lez" aurkeztu daigun geure burua, jarrera "apal eta adeitsuaz", "fede erlijioso bera" dabenen aurrean.
Gizakia: "Ez dogu apartekorik antzeman fentaniloaren kontsumoari dagokionez"
Asteburuan Bizkaiko parrokietan batu daiten diruaren zati bat Gizakia fundazinoari emongo jako. Eleizbarrutiko aurtengo jardunaldian, mendekotasunak dabezan emakumeengan jarriko da arreta, izan be, "beren-beregi eurei zuzendutako erantzunak behar dabez", Ignazio Palaciok alkarrizketa honetan adierazo dauanez. Palaciok Estibaliz Barronen lekua hartu dau Gizakiako talde barriko zuzendari-gerente lez.
Ereñoko Gabikako eleizako erlojua barriztatu dabe
Gabika auzoko San Joan Bateatzailea eleizako torrean martxan da barriro be 1889ko erlokua. Zumaiako errementari-erlojugileen sendikoa zan Benito Yereguik eraiki eban. Hain zuzen be, Yeregui familiako hainbat kidek parte hartu dau barriztutako erlojuaren bedeinkapen eta inaugurazinoan. Bilboko gotzaina buru dala eta lurraldeko bikarioa, parrokoa eta inguruko abade eta fraileak alkar-meza emoten dirala ospatu dan hildakoen aldeko mezaren barruan egin da ekitaldia.
Getxoko Koral Astea hasiko da gaur, Berreroslearen eleizan
Gaurtik domekara, Getxoko 42. Koral Astea ospatuko da eta nazinoarteko lau abesbatzek -ahots zuriak eta mistoak- parte hartuko dabe, askotariko estilo eta garaietako errepertorioa eskainiko dabe. Hasteko, gaur arratsaldez, "Giovanile with us" italiar abesbatzak jardungo dau Berrerosle Guztiz Santua parrokian, 19:30etan (sarrera doan). Gainerako kontzertuak, azaroaren 3tik 5era, Muxikebarrin ospatuko dira.
Komunidadeen Batzordearen omenaldia Juanto Uribarriri
Azaroaren 3an, omenaldia egino jako Juan Tomas Uribarriri Indautxuko Karmeneko Ama parrokiako areto nagusian. Komunidadeen Batzordeaka ntolatu dau 19:00etan hasiko dan ektialdi hau. Uribarri bat-batean hil zan bizikletan joiala Morgako gainerantz, joan dan maiatzaren 29an, 68 urte ebazala. Asko maite eban kirol hau eta espezialista zan altuerako txirrindularitzan. Horrezaz gainera, Bizkaiko Eleizagaz konprometitutako gizona zan.
Hilabete eta aldizkari barria egun berezian
Azaroaren 1ean, Domu Santu egunez argitaratu da Alkarren Barri aldizkariaren 297. alea. Oraingoan, laguntza eske dagoan pertsona batengan arreta jartera deitzen gaitu azalak. Egunero gure inguruan aurkezten diran egoeren aurrean adi (erne!) egoteko esaten jaku. Ale honetan nabarmentzen dira eta gure arreta eskatzen dabe, besteak beste, Eleizbarrutiaren Egunak (azaroak 12), Lurralde Santuko gerrak eta Pobreen Munduko Egunak. Ignacio Palacio Gizakiako zuzendari gerenteari eta Begoña Iñarra misiolariari egindako alkarrizketek be irakurlearen jakin-mina biztu gura dabe.
On Joseba Segura gotzaina buru izango da Domu Santu eguneko Mezan, Derion
Bihar -azaroak 1, eguaztena-, Domu Santu Egunez, On Joseba Segura Bilboko gotzaina buru izango da Derioko kaperan eguerdiko 12:00etan ospatuko dan Eukaristian. Eleizkizun horretan, urtean hildako pertsona guztien gomuta berezia egingo da.
Asteburuko jarduerak
Zapatuz, Sopuertako San Viator ikastetxean ospatu zan parrokietako alkartezainen batzarra, Ekintza Katoliko Orokorraren batzar nagusia Bilbon, eta hirukoiztarrek Algortan daben parrokiaren urteurrena jarduerak iizan dira, besteak beste, asteburuan. Hona hemen batzuk:
Kide barriak Bizkaiko HOACen
Bizkaiko HOACek batzar nagusia ospatu eban zapatuz -urriak 28-, "EKO, kristau profesionalak eta JOC mobimentuakaz batera, Bilboko La Salle ikastetxean". Azken urteetan, Ekintza Katolikoko mobimentuok batera emoten deutse hasiera kurtsoari. Aurton, nabarmentzekoa da mobimentu gehiagok egin dabela bat guztien arteak ekimenak garatzeko, Laudato Si entziklika eta Laudate Deum aholku-hitz apostolikoa kontuan hartuta eta Ebanjelizatzearen Eleizbarrutiko VI. Egitasmoaren 3. erronkaren 3.2 jardunbideak sustatuta: "Bihurtze ekologikoa eragin (Laudato si) gizarte-ingurumenaren aldeko justizia eta …
Algortako Berrerosle Santuaren parrokiaren 50. urteurrena
Bererosle Santuaren jai liturgikoaren egunez, atzo -domeka, Algortako Berrerosle Santua parrokiaren 50. urteurrena oroitzeko urtearen hasierako Meza ospatu zan.