Barriak

Bokazinoen aldeko Munduko Otoitz Eguna eta Sorterriko Bokazinoen Eguna dirala-eta -maiatzaren 11an-, datorren astean, astelehenetik domekara -maiatzak 5-11), eleizbarrutian "Otoitz-maratoia" egingo da hainban lekutan. Gehiago jakiteko: hemen.

Datorren maiatzaren 25ean Gaixoaren Pazkoa ospatuko dogu.

Datorren eguenez, maiatzak 1, Gasteiz, Donostia eta Bilboko eleizbarrutiek misino-ekitaldia ospatuko dabe Urkiolan. On Joseba Segura Bilboko gotzain eta Euskal Eleizbarrutietako Misinoen gotzain ordezkaria izango da buru santutegian ospatuko dan Eukaristian. 

Datozan egunetan, maiatzaren lehenengoaren bezperetan, lan-eremurako eanguratsuak diran jardunaldiak izango dira: alde batetik datorren domekaz, apirilak 27, Gizalegezko Lanaren aldeko 5. Eguna ospatuko dau eta biharamunean, Laneko Segurtasun eta Osasunaren aldeko Munduko Eguna.

2025eko maiatzaren 1ean, gizon eta emakume langileen Nazinoarteko Eguna eta San Jose Langilearen Eguna ospatuko dogu. Egun honetan, gazteriak lan-eremuan aurrez aurre dauan gizarte paradigma barrian jarri gura dogu arreta.

Gizalegezko lana: onura adimen-osasunerako

On Joseba Segura gotzaina izango da buru Santiago katedralean 11:00etan ospatuko dan Krisma-mezan.

Gema Martin antolakuntza eta alkarte bizitzarako HOAC, mobimentuko arduraduna eta Jorge Hernandez kontsiliario nagusia Bilbon izango dira apirilaren 7tik 12ra. 

Caritas Bizkaia erakundeak “Alkartea, gure aldartea. Camino de esperanza” ate irekien jardunaldia ospatu zan atzo Astrabuduako San Lorentzo eta Erandioko San Agustin parrokietan. Egunez egun, ahuleziazko egoeran dagozan pertsonen aldeko akonpainamenduaren ingurukoak agertu ebezan eta, amaieran azaldu ebenez, "egun bizi-bizia izan da, biziz, aurpegiz, istorioz eta asko esaten daben isiltasunez betetako eguna".

Etorkinak, itxaropenaren zantzu goiburuaren haritik ospatu da Madrilen, martxoaren 28tik 30era, etorkinakaz jarduten daben pastoral ordezkari eta eragileen XLIV. Jardunaldia, 45 eleizbarrutitako 100 ordezkari ingurugaz.