Barriak

Komunikazinorako Bilboko Eleizbarrutiko sailak webean argitaratzen diran barriak eskuratzeko bide barria aurkeztu dau. WhatsApp kanala da Eleizbarrutiko gaurkotasun-barriak eskuratzeko. Beraz, asteko barriei, SMS bidezko alertei, hileroko aldizkariari gehitzen jakon bide barria da, eta denporazkanpoko barriak eskainiko dira batez be.

Datorren zapatuz, azaroak 30, Abendualdiko erretiro espirituala ospatuko da Eleizbarrutiko Seminarioan (Zabalbide, 92), Abandoko San Bizente Martiria parrokiak antolatuta.  (688 765 811. Anatxu). Gabonei begira norbere burua prestatzeko ekitaldia 10:00etan hasi eta 13:00ean amaituko da. Gauzak hobeto antolatzeko, joateko asmoa dabenei aurretik izena emoteko eskatzen jake, parrokian bertan edo whatsapp bidez (688 765 811. Anatxu).

Gaur, Emakumeen aurkako Indarkeria Desagerrarazotenko Nazinoarteko Egunean, Bilboko udalak antolatutako ekitaldi instituzionalean parte hartu dau Eleizbarrutiak, "indarkeria matxistaren gaitzespena jentaurrean agertzeko".  Azkuna Zentroko atarian ospatu dan ekitaldian, Juan Mari Aburto alkatea izan da buru eta emakumeen aurkako indarkeriaren kotrako eta emakumeen eta gizonen arteko desbarditasuna gaitzesteko artikulu-, olerki-, abesti-txatalak irakuri dira. Dorleta Alberdi komunikazinorako Eleizbarrutiko saileko zuzendariak esku-hartu dau Bizkaiko Eleizaren izenean.

Caritas Tabirak 25. urteurrena ospatu eban joan dan zapatuz Durangon. Gainera, "haurtzaro solidarioa" azoka ospatu zan Gernikako plazan eta HOAC mobimentuko Bizkaiko hainbat militantek asteburuan Ávilan ospatu zan mobimentuaren batzarrean parte hartu eban. Ondoren, honeen eta asteburuko beste hainbat ekitaldiren barri:

Atzo -domeka- ospatu zan Errekarte Pastoral Barrutiaren (PB) eguna, Gurutzetako Mariaren Bihotz Garbia parrokian. Bertaratutakoei ondo etorria egin ondoren, adinaren araberako taldeak (umeak, gazteak, helduak) egin ebezan "Sinodo-sena biziz" goiburuaren inguruko jarduerak egiteko.

Joan dan zapatuz, azaroak 23, I. bikaritzako ekipo ministerialetako eta pastoral arloetako 56 lagun batu ziran erretiro-otoitzaldian, Portugaleteko San Inazio parrokian, Miguel Angel Esnaola Karrantza eta Lanestosako abade eta Ekumenismorako eta Eleizen arteko hartu-emonerako gotzain ordezkaria gidari zala. 

Gaur, azaroak 25, emakumeen aurkako indarkeria desagerrarazoteko nazinoarteko eguna da. Hori dala-eta, ekitaldi instituzionala ospatuko da Azkuna zentroan 11:00etatik aurrera. Juan Mari Aburto Bilboko alkatea eta Itziar Urtasun bardintasunerako zinegotzia buru dirala indarkeria hori desagerrarazotearen aldeko agiria irakurriko da. Dorleta Alberdi komunikazinorako saileko zuzendariak ordezkatuko dau Eleizbarrutia ekitaldian. Beste alde batetik, Langile Pastoraltzatik  Aizu!!! agerkariaren 95. alea kaleratu dabe gai honen inguruko lekukotasunakaz eta, besteak beste, zera dinoe: "indarkeria …

Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org

Bihar -domeka-, hogei urte bete dituan "haurtzaro solidarioa" Gernikan sustatzen dan egitasmo solidario honen ekitaldi barria ospatuko da. Katekesiko familiek sustatuta eta Iparralde-Hegoalde misino-taldeak koordinatuta egiten da. Aurreko asteetan, salgai jarteko gauzak biltzen ibili dira. Azoka, Gernikako merkatu-plazan egingo da 12:00etatik 14:00etara eta, aurretik, meza ospatuko da 12:00etan, Mesedetako monjen komentuan.  

Gaur arratsaldez, Juan San Martinek organo-kontzertua eskainiko dau Abadiñoko San Trokaz eleizan, 19:30etan. Bihar, zapatuz, Roberto Fresco izango da protagonista Elorrioko Sortze Garbia basilikan iluntzeko zortzietan ospatuko dan ekitaldian. Emonaldi honeek “Bizkaiko hotsak” Diego de Amezua organo-jaialdiaren XIX. ekitaldiaren barruan egingo dira.