Barriak
Etiquetado como: Laudato Si
Martxan dira kanpamenturik goiztiarrenak
Ikasturtea amaitu eta oporraldiak iristeaz batera, martxan jarten dira udako lehenengo kanpamentuak, esate baterako, IV. eta V. bikaritzetako udalekuak. Berrogeta hamar neska-mutil batu da datozan egunotan adiskidetasunaz eta izadiaz gozatzeko.
Seiehun lagunetik gora Urkiolako kulturarteko topaketan
Bruno Bonnet da Ekintza Katoliko Orokorra mobimentuko Eleizbarrutiko presidente barria
Joan dan asteaen amaieran, Ekintza Katoliko Orokorra (EKO-ACG) mobimentuak ezohiko Batzar Nagusia ospatu eban Eleizbarrutiko karguen erreleboa egiteko. Josema Incierte presidenteak eta Fernando Marcos kontsiliarioak euren mandatuak amaitu dabez kurtso honetan. Militante ugarik parte hartu eban, Kerman Lopez bikario nagusiaga eta Clara Arza Fede-zabalkunde eta Katekesirako ordezkariagaz batera, giro onean ospatu zan batzar nagusian eta irailetik aurrera lau urtez presidente izango dan Astrabuduako Bruno Bonnet eta hiru urtez gazteen sektoreko arduradun izango dan Allende Alegria hautatu …
Eleizbarrutiko 2.500 gazte inguruk parte hartuko dau kanpamentuetan
Ikasturtea amaituta, parrokietako eta mobimenduetako taldeak udako jardueretan murgilduta dagoz. Uztailaren amaiera edo abuztuaren hasierara arte, hainbat kanpamentu, kolonia, lan-esparru... osatuko da. Gazteen saileko Maite Morezuelasen esanetan, "talde bakotxak bere erara, eta bere aukeren arabera, jardungo dau; garrantzitsuena, neska-mutilek esperientzia egokia izatea da, ikasi daien, pertsona lez hazi daitezan eta Jainkoagaz bat egin daien", izadian edo aisialdian.
Eleizbarrutiko asteko barriak
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
500 lagunek parte hartuko dabe bihar Migrazinoetarako Pastoraltzak antolatutako ekitaldian
Aurreko urteetan lez, ekainaren azken domekaz ospatuko dau Migrazinoetako Pastoraltzak eleizbarruti arteko topaketa. Ondorengo Eleizbarrutietako ordezkariak batuko dira: Donostia-San Sebastian, Kalagurri-La Calzada eta Logroño, Vitoria-Gasteiz, Iruña-Tutera eta Bilbao. Marije Calvo Migrazinoetarako Eleizbarrutiko saileko arduradunak azaldu dauanez, "Eleizbarruti ahizten arteko senidetasuna eta Eleiza osatzen dogun guztion arteko batasuna sustatzea da topaketa honeen helburu nagusia".
"Misiolariek itxaropena erein gura dabe egundoko pobretasunezko soloan"
Juamma Jubera kazetariak Radio Popular-Herri Irratian gidatzen dauan "Diálogos" irratsaioan jardun eben atzo, "Mufungaren Adiskideak" eta "Goikuria" fundazinoetan laguntzen dauan Iñigo Iriartek eta Vicente Ferrer fundazinoko kide dan Fernando Sanchok. Iriartek Kongoko Errepublika Demokratikotik jardun eban, izan be, hantxe dago bisita egiten On Joseba Segura Bilboko gotzain eta Euskal Eleizbarrutietako Misinoetarako ordezkariagaz batera. Atzo, hain zuzen be, Likasiko Panda auzoan egozan, Goikuria fundazinoaren egitasmoak bisitatzen, Xabier Goikuria bizkaitar misiolariagaz. Irratsaioa …
Afrika-Ermua jardunaldia
Gaur eta bihar, Afrika-Ermua VI. jardunaldia ospatuko da, afrikarren taldeek antolatuta eta Euskal Eleizbarrutietako Misinoen eta Immigrazino eta Nazinoarteko Lankidetzarako Udaleko sailak lagunduta.
"Bizian Gora-Vida Ascendente" mobimentuaren kurtso amaiera
"Bizian Gora - Vida Ascendente" nagusien mobimentuak kurtso amaierako ekitaldia ospatu eban atzo -eguena- Eleizbarrutiak Bilboko Plaza Barrian dauan 'Barria' egoitzako lokaletan. Tomi Rodriguez Eleizbarrutiko presidenteak azkenean adierazo ebanez, "egun pozgarria izan da eta kurtsoan zehar egindako jardueren inguruko eretxiak eta taldeen bizipenak batera jarri ahal izan doguz".
San Joanen oroimenezko mezak, bihar, Gaztelugatxen
Gaur -barikua- gauez, gure inguruko hainbat herritan San Joan bezperako suak biztuko dira. Bihar -ekainak 24, zapatua-, San Joan Bateatzailearen eguna da; hain zuzen be, bere jaiotzaren eguna ospatzen da, gainerako santuakaz gertatzen ez dan bezala. Eleizbarrutian, Gaztelugatxekoa da San Joanen izenpeko ermitarik ezagunenetakoa eta bertan hainbat meza ospatuko da: 06:30, 07:30, 08:30, 10:30, 11:30 eta 12:30etan.