Barriak
Etiquetado como:
Garizuma-aldiko berbaldiak Gernika eta Algortan
Martxoaren 1ean Garizumako lehenengo berbaldia ospatu zan Gobela-Galea Pastoral Barrutian (PB). Garizuma-aldi osoan, eguaztenez egiten ari dira saioak, Algortako Hirukoiztarren eleizan, 19:30etan. On Joseba Segurak eskaini eban lehenengo berbaldia, "Eleiza osoa bideari lotu jako lekuko Eleiza bakotxetik" goiburuaren haritik. Gaur, martxoak 8, Clara Arza Fede-zabalkunde eta Katekesirako Eleizbarrutiko ordezkariak jardungo dau, "erronkak eta aukerak. #LekuanLekuko" gaiaren inguruan. Gainera, gaur -martitzena, Gernikan, Gernikaldea PBak antolatutako Garizuma-aldiko jardueren barruan, Ana …
Bilboko bikaritzetako katekistak otoitzaldia egiteko batu ziran
Azken urteetan ohikoa dabenez, III-VII bikaritzetako katekistan alkartu ziran. Joan dan zapatuz, martxoak 4, izan zan eta 36 katekista batu ziran otoitz egiteko. Saioa, Atxuriko Gizakundea eleizan eta Eleiz museoan egin eben.
Jose Mari Larruskain "alkartasuna eragiten eban gizona" hil da
Barikuan hil zan Bilbon Jose Mari Larruskain Eleizbarrutiko abadea, 84 urte ebazala. Bere arimaren aldeko hileta-eleizkizuna bihar -martxoak 7, martitzena- ospatuko da, 18:00etan, Markinako Andra Mari parrokian.
Garizumako lehenengo berbaldia katedralean, gaur arratsaldez, gotzainaren eskutik
On Joseba Segura gotzainak eskainiko dau gaur arratsaldez Casco Viejo/Bilbo Zaharra Pastoral Barrutiko lehenengo berbaldia, "Spe salvi" (Itxaropenean salbatuak) goiburuaren haritik. Datorren astelehenez, martxoak 13, Estrella Moreno Eleizbarrutiko Teologia eta Pastoraltza Institutuko zuzendariak "Deus Caritas est" (Jainkoa maitasuna da) gaiari buruz hitz egingo dau eta hurrengo astelehenez, martxoak 20, alkarte penitentzia ospatuko dabe. Ekitaldi guztiak Santiago katedralean ospatuko dira, 19:00etan.
Asteburuan, ospakizunak, heziketa, erretiroa eta topaketa
Joan dan zapatuz, martxoak 4, Kartzela Pastoraltzako eta Bidesariko boluntarioek heziketa-saioan parte hartu dabe, Mavi Laiseca eta Mª Mar Ortiz Bizkaiko Caritaseko kideen gidaritzapean. Bizkaiko eskautak be batu ziran zapatuz Jesuitek Indautxun daben ikastetxean, aisialdiko jardueraren hezitzaile eta boluntario lez jasoten daben etenbako heziketari jarraipena emoteko. Beste alde batetik, HOAC eta Ekintza Katoliko Orokorra (EKO-ACG) mobimentuek Garizuma-aldiko erretiroa ospatu dabe Gernikan. Aurtengo Bake Topaketaren azken saioak be ospatu dira asteburuan, Zornotza eta Lekeition, eta atzo …
Euskal Eleizbarrutietako MIsinoek Eleizbarruti arteko misino-artxiboa inauguratu dabe
Hirurogeta hamabosgarren urteurreneko ospakizunen artean, joan dan zapatuz, martxoak 4, Eleizbarruti arteko Misino-artxiboa inauguratu zan Gasteizko Seminarioan. Ekitaldian, Gasteiz, Donostia eta Bilboko Eleizbarrutietako misiolari ugari batu zan eta hantxe egon ziran, besteak beste, On Juan Carlos Elizalde Gasteizko gotzaina eta On Joseba Segura Bilboko gotzaina. Gainera, zazpi hamarkada honeetan egin izan diran misino-kanpainen irudiak jasoten dabezan panelez osatutako erakusketa ibiltaria inauguratu zan eta urteurrenaren inguruko jarduerak egin daitezan lekuetan ikusgai izango da.
Martxoaren 8an, Eleizbarrutiak 8 emakumeren konpromisoa autortuko dau
Etzi -martxoak 8, eguaztena- Bilboko Eleizbarrutiak ekitaldi instituzionala ospatuko dau, gotzaina buru dala, zortzi emakumeri euten fededun konpromisoa autortzeko. V. ekitaldi honetan, euren eguneroko egiteko eta zerbitzuan Ebanjelizatzearen Eleizbarrutiko Egitasmoaren oinarrizko erronkak -iragarri, ospatu, zerbitzatu eta alkarteari lagundu- sustatzeari lotutako ekintzak burutzen dabezan emakumeak agertu gura dabez. Horren haritik, autorpena egingo jaken zortzi emakumeek Toño Valdivieso artistak egindako "oinatza jasoko dabe, gure alkarteetan eragile dan beste askoren izenean. Ekiatalida …
Eleizbarrutiko asteko barriak
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
RTVEk Bilbotik emongo dau meza bihar
"Anai-arreba gara Kristorenganako fedean" goiburuaren haritik ospatuko dau bihar -martxoak 5, domeka- Eleizak Hispanoamerikaren Eguna. Aurton, Bilboko Eleizbarrutian ospatuko da, On Joseba Segura Misinoetarako eta Elizakazko Lankidetzarako Espainiako Gotzainen Batzarreko Batzordeko kide eta Euskal Eleizbarrutietako Misinoetarako gotzain ordezkaria buru dala. Goizeko 10:30etan izango da, Alde Zaharra Pastoral Barrutiko (PB) San Anton parrokian eta TVE1 kateak zuzenean emongo dau.
Heziketa eskaut mobimentuko begiraleentzat
Euskalerriko Eskautak Bizkaia (EEB) mobimenduko begiraleak batuko dira bihar, zapatua, aisialdiko hezitzaile boluntario lez hezten jarraitzeko. Saioa jesuitek Indautxun daben ikastetxean ospatuko da, 300 gazte ingururen partaidetzagaz.