Miribillako parrokiako lokalak egun desbardina igarotzeko prest egozan gaztez bete zan. Goizeko hamarrak eta erdietan zan hitzordua, eta apurka-apurka jentea batzen hasi zan, batzuk gitarragaz, beste batzuk eskauten lepokoagaz, txikiren bat ama edo aitaren eskutik…
Helburu bakarra eben, hau da, ‘bategiteko dendan’ parte hartu, jatorri eta kultura desbardinetako gazteak.
📌Munduan danok bat #bagara
— Bilboko Elizbarrutia (@DiocesisBilbao) November 9, 2024
📌La tienda del encuentro. Una misma comunidad en la diferencia. Presentación de los jóvenes en grupos. pic.twitter.com/sgq2aae2iu
Minutuko isilunea eta otoitza
Ekitaldiari hasiera emon aurretik, minutuko isilunea egin zan Levante ingurua astindu dauan DANAren biktimen alde. Gazako eta beste hainbat lekutako gerretan hil diranak be gogoan izan ebezan.
Miguel Angel Esnaola ekumenismorako ordezkariak gidatutako erlejinoarteko otoitza egin zan, gotzainaren eta Bilboko meskitako imanaren partaidetzagaz.
📌Minutu bateko isilunea Mediterraneoan hildakoen alde eta munduan gerrak dagozan lekuetako biktimen alde.
— Bilboko Elizbarrutia (@DiocesisBilbao) November 9, 2024
📌En el encuentro de juventud se guarda 1 minuto de silencio por las víctimas de Levante y de sitios de lugares de guerra como Gaza #bagara pic.twitter.com/C88iU8tYZk
📌Otoitza/Oración conjunta a Dios por la paz. #bagara pic.twitter.com/urupFrOo5l
— Bilboko Elizbarrutia (@DiocesisBilbao) November 9, 2024
Lekukotasunak
Gazteek beste hainbat gazteren lekukotasuna entzun eben: de Khalid, Marokokoa; Freddy, Hondurasekoa; Nerea, Bilbokoa; María, Zaragozakoa eta Omar, Senegalekoa. Benetako lekukotasunak, zirraragarriak izan ziran eta bat baino gehiago hunkitu zan entzutean. Bizipen batzuk oso gogorrak izan ziran eta bertaratutakoen jakin-mina biztu eben, galderei eskainitako tartean ikusi zanez.
📌Lekukotzak
— Bilboko Elizbarrutia (@DiocesisBilbao) November 9, 2024
📌Testimonios de vida #bagara pic.twitter.com/WyaB1Ly8Y0
Emozino-kudeaketarako tailerra
Txemi Santamaría Lagungo fundazinoko kideak gidtu eban tailerra. Emozinoen kudeaketan jarri eban arreta, izan be, “adimen-osasuna da gazteriaren arduretako bat”, antolatzaileek adierazo ebenez.
📌Gazteen topaketak jarraitzen dau.
— Bilboko Elizbarrutia (@DiocesisBilbao) November 9, 2024
📌La tienda del encuentro prosigue con una dinámica dirigida por el psicólogo Txemi Santamaria de @FLagungo pic.twitter.com/q5g2J1mPZr
Amaitzeko, alkarregaz bazkaldu eta zuzeneko musika-emonaldia izan eben.
Barakaldoko gazteriak bat egin dau Eleizbarrutiaren Egunagaz
Domeka goiez, “Gaztegaua” egin ondoren, gazteek familia Eukaristia ospatu eben. Eleizbarrutiaren Egunaren haritik, gazteek eta katekesiko umeek bat egin eben alkarteagaz.
Jose Alberto Guemes Errekarte-Entre Ríos Pastoral Barrutiko moderatzailea buru zala ospatu zan Eukaristia. Mari Mar Vazquez Tojo Fede-zabalkunde eta Katekesirako PBko arduradunak amaieran nabarmendu ebanez, “alkarteak jai handia ospatu dau, Eleizbarrutiaren 75. urteurrenagaz bat eginez eta DANAk eragindako biktimak gogoan izanda”.
