Agirian jasoten danez, “fueron razones pastorales y de mejor atención a los feligreses los que motivaron la creación de las nuevas diócesis“. Une horretan, Gasteizko Eleizbarrutiak lurralde zabala hartzen ebala eta eleiztar-kopuruak nabarmen gora egin ebala ikusi zan.
Anabella Barroso Bizkaiko Eleizaren Historia Artxiboko (AHEB-BEHA) zuzendariak ondo ezagutzen ditu idazkiaren xehetasunak. Berak azaldu dauanez, “bulda irakurtean, Donostiako Artzain Ona eta Bilboko Santiago parrokia eleizak katedral izendatu ziran. Kalonjeen kapituluak be eratu ziran eta San Inaziok Eleizbarruti barri bien zaindari lez jarraitu eban”.
Buldaren arabera, Zuzenbide Kanonikoa -1917an onartutakoa egoan indarrean- bete behar zan ondorengo arloetan: Eleizbarrutiko administrazinoa, seminarioen eraleta, kapitulu-bikarioaren aukeraketa eta eleiz gizon eta fededunen eskubide eta betebeharrak.
Agirian abadeen inkardinazinoaren eta mundu honetako ondasunen banaketaren ingurukoak be jasoten dira. Honako hau be esaten da: “los documentos relativos a las nuevas diócesis, sus clérigos y fieles existentes en los archivos diocesanos de Vitoria y Santander sean entregados a las nuevas curias”.
75. urteurreneko bideo-laburpena
Urteurrena dala-eta, Eleizbarrutiak Erreka Multimediak, komunikabideetarako Bilboko Eleizbarrutiko sailagaz, Eleizbarrutiko artxiboagaz eta Bizkaia Irratiagaz (esataria, Miren Ezkurra) batera, prestau dauan 75. urteurreneko bideo-laburpena argitaratu dau sarean.
Maiatzean, Bizkaiko Eleizaren biltzarra
Maiatzaren 17an, BECen ospatuko da 75. urteurrena ospatzeko ekitaldi nagusia. ‘Eleizea plazara’ ekitaldia izango da eta bertan Bilboko Eleizbarrutiko askotariko errealitateak aurkeztuko dira. Standak, animazinoa, Eukaristia, erromeria, e.a., izango dira egunean zehar.
