“Vida ascendente / Bizian gora” mobimentuko batzorde barriak taldeak bisitatuko ditu bere ibilbidearen hasiera honetan, euren egoera eta preminak zuzenean ezagutzeko. Beascoecheak adierazo ebanez, mobimentuko kide bakotxaren erantzukizuna da eleizbarrutiko batzordeari bere eginkizuna betetzeko eskatzea, ideiak eta erispideak aurkeztuz. “Sinodo-senez, talde-lana sustatzera deitu ebazan”, Manuel Heredia kontsiliarioak esan dauanez. Partaideen gogoetak eta onespena jaso ondoren, martxan jartea falta da.
Saioaren lehenengo zati hau amaituta, kontsiliarioaren gidaritzapean, erromes joan ziran salmo eta idazkiak errezatuz eta hausnartuz Santiago katedraleraino eta Ate Santua zeharkatu eben. “Arlo espiritualean, une esanguratsuak izan ziran”. Katedralean, otoitz giroan jarraitu eben. “Fedezko eta barritze espiritualerako ekitaldia izan zan. Dei egin zan bihotzak Jainkoaren graziara zabaltzeko, aldatu eta bere Semeagaz eta maitasun, bake eta zuzentasunezko Erreinuagaz estu lotzera eroan gaizan”.
