Hilaren azken eguaztenez izaten dan "Bizkaia isilik" bilkura aurreratu egingo da orainoan, azken eguaztenez, abenduak 31, Gabon zahar gaua dalako eta aurrekoa, abenduak 24, Gabon gaua. Hori dala-eta, "etorkin eta errefuxiatuek jasaten dabezan bidebakokeriak salatzeko" hilabete honetako bilkura bihar, abenduak 17 ospatuko da, ohiko lekuetan eta orduan, 19:30etan: Bilbon, Arriaga plazan; Portugaleten, Gregorio Uzkiano kalean; Barakaldon, Bide Onera plazan; Galdakaon, Iturriondo plazan; Durangon, Andra Mari eleizpean; Balmasedan, San Severino plazan, Getxon, Telletxe plazan (Metroaren ondoan) eta Zornotzan, Herriko plazan.
Urteko azken bilkura honetan, gogoan izango dabez Mediterraneoan eta Mendebaldeko Atlantikoan 2025ean hil edo desagertu ditan 2.200 lagunak. Antolatzaileen esanetan, “egundoko zoritxarra da eta ezin dogu ez ikusiarena egin”.
Abenduko “Bizkaia isilik” bilkura honetan, egun esanguratsu bi gogoan izango dira: abenduaren 10a, Giza Eskubideen eguna eta abenduaren 18a, Migratzailearen Nazinoarteko Eguna.
Hurrengo bilkura: 2026ko urtarrilaren 28an.
