Bilboko Elizbarrutiko klausurako monjek domeka honetan ospatuko dabe euren eguna Elorrion. Lehenengo topaketea Santa Ana monastegian izango da, Berriotxoako San Balentin akkolito egon zan lekua. Erromesaldia egingo dabe gero, basilikaraino eta bertan ospatuko dabe mezea alkarteagaz batera.
Jardunaldiaren lema eta mezua
“Fedez otoitz egin, itxaropenean bizi” goiburuaren haritik ospatuko da datorren domekaz Pro Orantibus eguna. Biziera Sagaraturako Gotzain Batzordeko gotzainek egun horretarako idatzitako mezuan nabarmendu dabenez, goiburua bera, “biziera sagaratuaren laburpen egokia da jubileu urte honetan”. Biziera Sagaraturako Gotzain Batzordeak prestatu ditu egunerako lagungarriak.
Bizkaian, 100 monja eta monje inguru bizi da klausurako monasterio eta komentuetan
