Elorrion kurtsoari hasiera emon ondoren, irailaren 28an, domekaz ospatuko da eleizbarrutiko egutegiko lehenengo jardunaldia, Caritasen eta parrokien aldeko kanpainagaz.
Bikario nagusiaren eta Caritas Bizkaia erakundeko zuzendariaren baterako gutuna
Kerman Lopez eta Elena Unzuetak idatzitako gutunean, kurtsoari hasiera emoteko ekitaldian parte hartzera deitzen da.
Elorrion zapatuz ospatuko dan ‘Goazen!’ kurtso hasierako ekitaldiak jarraipena izango dau domekaz, irailak 28, parrokia alkarte bakotxean eta eleizbarruti osoan. Agertu daigun VI. EEEaren hasieran jasotzen dan Joan 15, 17 pasartea: “Autormen egingo dozue, Neugaz zagoze-eta”! Caritas sentitzearen sentiberatasunagaz kristau itxaropenaren lekukotasuna emotera bialdutako alkarte garala erakutsi daigun.
Batu daiten dirua Caritasen eta parrokien esku itziko dogu, zuen alkartasunak adoretuta kurtsoari hasiera emon deioen.
Bat egin daigun gure fedetik itxaropena zabaltzeko egitekoan. Goazen batera!
Beste hainbat hitzordu esanguratsu
Urriaren 5ean, Etorkin eta Errefuxiatuaren Munduko Eguna eta Diakonotzaren Eguna ospatuko da. Urriaren 19an, DOMUND eguna.
Azaroaren 2an, Gizakia Helbururi eskainitako eguna. Azaroaren 9an, Oroimenaren eguna, Karidade eta Zuzentasunerako Ordezkaritzak (Bake eta Adiskidetzea) sustatuta. Azaroaren 16an, Pobreen Munduko Eguna ospatuko da.
Abenduan, 3 jardunaldi: 8an, Seminarioaren eguna; 21ean, Caritasen Gabonetako kanpaina eta 28an, Familiaren eguna.
2025-2026 kurtsoan nabarmenduko dan beste hainbat egun
Irailak 20: Abdon Rodriguez Hervasen abadegintza, Gueñeseko Andra Mari parrokian.
Irailak 27: Pastoral kurtsoaren hasiera (GOAZEN), Elorrion.
Urriak 25: Eleizbarruti arteko ekitaldia Estibalitzen, Bilbao eta Donostiako eleizbarrutien 75. urteurrena dala-eta.
Azaroak 9: Bilboko eleizbarrutiaren 75. urteurreneko ekitaldien amaiera, Santiago katedralean (19:00).
Azaroak 15: Pobreen Munduko Eguna (PME). Jubileuaren gizarte alderdiaren amaiera.
Abenduak 19: Belengo Bakearen Argia.
Abenduak 28: Jubileuaren amaierako ospakizuna.
2026ko une gogoangarriak
2026.eko urtarrilaren 1ean, Bakearen aldeko Munduko Otoitz Eguna ospatuko da. Hil berean, Ume Misiolariak kanpaina izango da, hilaren 18an eta Kristauen Batasunaren aldeko Otoitz Astea (18-25).
Otsailaren 2an ospatuko dabe lekaide eta lekaimeek Biziera Sagaratuaren eguna. Otsailaren 8an, gosearen aurkako kanpaina (borondatezko baraua otsailaren 6an, barikuz), Esku Elkartuak erakundearen eskutik, otsailaren 11an, Gaixoaren Munduko Eguna eta 21ean, Bake eta Adiskidetzearen eguna.
Martxoaren 15ean, Eleizbarrutietako Misinoen eta parrokien aldeko kanpaina egingo da.
Martxoaren 22an, Caritasen aldeko beste kanpaina bat izango da.
Apirilaren 3an, Bariku Santuz, aita santuak sustatzen dauan leku santuen aldeko diru-batzea egingo da. Apirilaren 26an, alde batetik, Gizalegezko Lanaren aldeko Eleizbarrutiko Eguna ospatuko da eta bestetik, Fede-zabalkunde eta Katekesiarako ta Misinoetarako Ordezkaritzek eta Bokazino Pastoraltzak antolatuta, Bokazinoen aldeko Munduko Otoitz Eguna eta Sorterriko Bokazinoen Eguna. Maiatzaren 10ean, Gaixoaren Pazkoa ospatuko da.
Maiatzaren 17koa, egutegiari gehitu jakon jardunaldi barria da: Ekonomia-ardurakidetasuna eta gardentasunaren aldekoa. Egun berean odpatuko da Gizarte Komunikazinoen Munduko Eguna. Maiatzean, gainera, Ekintza Katolikoaren eta Laikoen Apostolutzaren Eguna (Mendekoste) ospatuko da 24an, eta Pro Orantibus klausurako ordenen eguna hilaren azken egunean, 31an.
Ekainaren 7an, Gorpuzti Eguna (Maitasunaren Eguna) ospatuko da. Kurtsoko azken jardunaldia, Aita Santuaren eguna, ekainaren 29an izango da eta San Pedroren Oboloa kolektari dagokio.
Otsailak 21: Bake Topaketa.
Apirilaren 2tik 4ra: Gazte Pazkoak.
Apirilak 26: Gorka Deuna.
Maiatzak 28: Abadegintzen urteurrenak.
Ekainak 6: Maitasunaren Eguna.
Ekainak 6: Gorpuzti Egunaren bezperako eleizkizuna Santiago katedralean, 19:00etan.
Agindutako diru-batzeak danontzat
Joan dan kurtsotik hasita, hiru domeketako kanpainak konpartitu egiten dira: irailean, Caritasen ieta parrokien alde; martxoan, Eleizbarrutietako Misinoen eta parrokien alde eta ekainaren 29an, Aita Santuaren eguna, honen asmoetarako eta parrokietarako.
