Jaionek Bizkaia Irratian egin deutsen alkarrizketan azaldu dauanez, umetatik egon da parrokiari lotuta, katekesian eta gazteen taldeetan. Beranduago, unibertsitatean egoala, Ipar-Hegoaldea ikastaroa egin ebanean, Kenyan misiolari dan Matilde Rivera monja marianitaren lekukotasuna entzun eta misino-bokazinoa garatzen hasi zan.
Esperientzia Filipinetan
Filipinetan, Jaionek batez be heziketaren arloan, egitasmo ekologikoa garatzen eta pastoralgintzan jardungo dau. Alkarrizketan azaldu ebanez, “ez da erraza dana itzi eta joatea, baina ilusinoz beteta egingo dot. Nire kargu itzitako beharrizanei erantzutera noa Filipinetara”.
Lopez prest dago bizitzak aurkeztu leikezan aurkerak onartzeko: “gaur-gaurkoz Filipinetara noa urte birako. Aurrerago, ikusiko dogu”.
Autorpena egin jakon martxoaren 8an
2021.eko martxoaren 8an Bilboko Eleizbarrutiaren autorpena jaso eben zortzi emakumeetako bat izan zan Jaione Lopez. Toño Valdivieso artistak margotutako oinatza jaso eban, beste hainbat herrialdetan konprometitutako emakume guztien izenean.
