TVE2 kateko «Pueblo de Dios» programan, Bilboko eleizbarrutiaren 75. urteurrena dala-eta grabatutako erreportaje bereziaren bigarren atala emongo dabe bihar -domeka-, 11:30etatik aurrera.
Joan dan maiatzean grabatutako erreportajearen lehenengo emonaldian, eleizbarrutian gizarte eta karitate ekintzara zuzendutako hainbat errealitate agertu zan, esate baterako, Otxarkoaga ikastegian ikasten diharduan eta Caritas Bizkaia erakundeak kudeatutako Auzobiziren akonpainamenduari esker alkarte pisu baten bizi dan etorkin batena. Hontza etxebizitzarik ez dabenentzako gaueko zentroko bizitzaren ingurukoak be azaldu ziran.
Bidesari eta Gizakia
Bihar emongo daben programan, Bizkaiko Eleizaren zerbitzu esanguratsu bitan jarriko da arreta: pastoral arreta kartzelan eta mendetasunak dabezan pertsonen errehabilitazinoa.
Urteurrenaren testuinguruan bizi dogun kurtsoaren “oroitu, bizi, amestu” goiburuaren haritik, erreportajean presoei arlo espiritualetan eta giza arloan arreta eskaintzen deutsen Bidesari Kartzela Pastoraltzaren zerbitzua ezagutzera emongo da. Aldi berean, hogeta hamar urtez mendekotasunak dabezan pertsonei kudeatzen dituan zentroen eta egitarauen bidez laguntza eskaintzen diharduan Gizakia fundazinoaren ingurukoak be azalduko dira.
¿Sabías que @FGizakia y @BIDESARI son dos entidades sociales de la @DiocesisBilbao que acompañan a personas con adicciones o privadas de libertad? Te lo contamos ¿cuándo?
— Pueblo de Dios TVE (@PueblodeDiostve) September 16, 2025
📅Domingo 21/09/25
⏰11:30h (peninsular)
📷En @la2_tve @rtveplay @tveint_europa @MediosConfer @prensaCEE pic.twitter.com/z5ai9b2Spw
`Pueblo de Dios´
«Pueblo de Dios» TVE2 katean domekero emoten daben programa da. Berrogei urte daroez emititzen eta Eleiza katolikoaren jarduera ezagutzera emotea da bere helburua. Horretarako, Espainiako zein atzerriko askotariko errealitateak agertzen dabez.
