Eleizbarrutiaren deia “erritmo sanoaz” bide egiteko

Eskuragarri dagoz Ebanjelizatzearen Eleizbarrutiko VI. Egitasmoaren dailean, Egitasmoaren sustapenerako taldeak proposatutako lagungarriak. Bilboko Eleizbarrutiak datozan urteetarako eratutako bide-orriagaz bat, tantai batek markatzen dau Garizumako geografia, aldi honetan "zentzu" gehiago izan leiken bide batzuk aitatuz. Basamortuan hasten da bidaia eta domekaz domeka hainbat eremutara joteko dei egiten da: mendira, lanera, etxera eta eleizara. Erreferentziazko eremuok proposatzen dira, "fedearen inguruan gogoeta egiteko eta konpromisoa sustatzeko".

Gaurtik aurrera, online eskuratu daiteke Garizumarako prestatutako hainbat lagungarri.

Martxoaren 5ean, Hauts-eguna, Iruña-Tuterako artzapezpikuak eta Gasteiz, Bilbao eta Donostiako gotzainek sinatu daben Pastoral Idazkia argitaratuko da. Idazki hau be eskainiko da, Garizuma aldian gogoeta, alkarrizketa eta ekintza ahalbidetzeko. Liturgiarako ordezkaritzak be prestatu ditu lagungarriak. Askotariko edukiak, Bizkaiko Eleiza anitzerako.

Gotzainen baterako Pastoral Idazkia eta gogoetarako lagungarriak Garizumarako https://t.co/RO31RV2TrC
— Bilboko Elizbarrutia (@DiocesisBilbao) February 13, 2025

Presino eta prisa barik

VI. EEEaren sustapenerako taldeak prestatutako lagungarrietan esaten danez, alde batera itzi behar doguz “presak” eta “erritmo sanoagoak” eta “heziketarako prozesu landuagoak” ahalbidetu.

Lagungarriak: hemen